کراچی : وزیراعلیٰ سندھ نے غلام نبی میمن کے نئے آئی جی سندھ ہونے کی تصدیق کردی، غلام نبی میمن کا بطور آئی جی سندھ نوٹیفکیشن ایک دو روز میں آئے گا۔
تفصیلات کے مطابق سندھ حکومت نے نئے آئی جی کے لیے غلام نبی میمن کی منظوری دے دی، وزیراعلیٰ سندھ مراد علی شاہ نے تصدیق کرتے ہوئے کہا ہے کہ سندھ کے نئے آئی جی غلام نبی میمن ہوں گے۔
ذرائع کا کہنا تھا کہ سندھ اور وفاقی حکومت کی مشاورت سےغلام نبی میمن کو نیا آئی جی بنایا گیا ہے، غلام نبی میمن کا بطور آئی جی سندھ نوٹیفکیشن ایک دو روز میں آئے گا،مستقل آئی جی کی تقرری تک کامران فضل فرائض انجام دیتےرہیں گے۔
یاد رہے سندھ حکومت کی جانب سےغلام نبی میمن کونیا آئی جی بنانےکیلئےنام دیا گیا تھا۔
واضح رہے سندھ ہائی کورٹ نے دعا زہرا کو پیش نہ کرنے پر آئی جی سندھ کامران افضل کو کام کرنے سے روکتے ہوئے اسٹیبلشمنٹ ڈویژن کو آئی جی سندھ کا چارج کسی اہل افسرکودینے کا حکم دیا تھا۔
بعد ازاں قائم مقام آئی جی سندھ کامران فضل کو عدالتی حکم کے بعد آئی جی سندھ کے عہدے سے ہٹایا گیا تھا۔
اس سے قبل صوبہ سندھ میں دہشت گردی کے حالیہ واقعات کے بعد آئی جی سندھ مشتاق مہر کو عہدے سے ہٹادیا گیا تھا۔
