The news is by your side.

Advertisement

گریٹر اقبال پارک میں جلسوں پر مکمل پابندی لگانے کا اعلان

لاہور : پنجاب کے دارلحکومت گریٹر اقبال پارک میں جلسوں پر مکمل پابندی لگانے کا اعلان کردیا گیا ، تحریک انصاف کے جلسے سے پارک کو تقریباً50 لاکھ روپے کا نقصان ہوا۔

تفصیلات کے مطابق وزیراعلیٰ حمزہ شہباز نےگریٹر اقبال پارک میں جلسوں پرپابندی لگانے کی اصولی منظوری دے دی۔

اجلاس میں بریفنگ دیتے ہوئے بتایا کہ تحریک انصاف کے جلسے سے گریٹر اقبال پارک میں پودے اور گھاس تباہ ہوئی، جلسے سے پارک کو تقریباً50 لاکھ روپے کا نقصان ہوا، تاریخی پارک کو جلسوں کیلئے استعمال کرنا کسی طور پر مناسب نہیں۔

وزیراعلیٰ پنجاب نے گریٹر اقبال پارک میں داخلہ فیس لگانے کی تجویزمسترد کرتے ہوئےکہا یہ غریب آدمی کا پارک ہے، کسی صورت داخلہ فیس عائد نہیں کروں گا، تجویز پر غور کرنا تو دور کی بات، اسے اجلاس میں پیش کرنا بھی مناسب نہیں۔

حمزہ شہباز نے سابق دور میں پودوں کے بیج بروقت نہ خریدنے پر برہمی کا اظہار کرتے ہوئے بروقت بیج نہ خریدنے کے حوالے سے انکوائری کا حکم دیا اور کہا خالی مقامات پر درخت، پودے اور گھاس لگانے کا کام جلد شروع کیا جائے۔

وزیراعلیٰ نے پارکس اینڈ ہارٹیکلچر کا بورڈ جلد مکمل کرنے کی ہدایت کرتے ہوئے کہا گھروں میں کام کرنے والے مالیوں کو فی الفور واپس بلایا جائے، میرے گھر میں بھی اگر کوئی مالی ہے تو اسے بھی واپس بلا یا جائے۔

ان کا کہنا تھا کہ اس حوالے سے زیرو ٹالرنس پالیسی پر عمل کیا جائے، پی ایچ اے کے معاملات کو صاف اور شفاف طریقے سے چلایا جائے گا، کسی سفارش نہیں سنوں گا،پی ایچ کو پوری سپورٹ دوں گا، گروپ میں فیصلوں پر پیش رفت سےمتعلق روزانہ اپ ڈیٹ کیا جائے۔

Comments

یہ بھی پڑھیں