وزیر اعلیٰ خیبر پختونخوا علی امین گنڈاپور کی اڈیالہ جیل جانے سے روکے جانے پر پولیس سے کہا ہے کہ میں چیف منسٹر ہوں تم مجھے نہیں روک سکتے۔
اے آر وائی نیوز کے مطابق وزیر اعلیٰ خیبر پختونخوا علی امین گنڈاپور نے بانی پی ٹی آئی عمران خان سے ملنے سے لیے اڈیالہ جیل کی طرف پیدل مارچ کیا۔ اس موقع پر پولیس نے انہیں روکا پر جس پر انکی تلخ کلامی ہوئی۔
علی امین گنڈاپور نے کہا کہ تم میرا راستہ نہیں روک سکتے، میں چیف منسٹر ہوں اور میرے پاس عدالتی حکم بھی ہے۔
ان کا مزید کہنا تھا کہ یہ پاکستان ہے اور میں ایک صوبے کا وزیر اعلیٰ ہوں۔ میں جیل جاؤں گا اور مجھے کوئی نہیں روک سکتا۔
اس موقع پر پولیس نے انہیں کہا کہ آپ تھوڑا انتظار کر لیں جس کے بعد انہیں مقامی ہوٹل کی جانب لے جایا گیا جہاں پولیس اور علی امین کے درمیان کچھ دیر گفتگو ہوئی۔
