پشاور : وزیراعلیٰ خیبر پختونخوا علی امین گنڈا پور نے عاطف خان اور شیر علی ارباب کوپارٹی عہدوں سے ہٹادیا۔
تفصیلات کے مطابق پی ٹی آئی خیبر پختونخوا میں اختلافات سنگین صورت اختیارکرگئے ، وزیراعلیٰ علی امین گنڈا پور نے عاطف خان اور شیرعلی ارباب کو پارٹی عہدوں سےہٹادیا۔
عاطف خان پی ٹی آئی پشاور ریجن کے صدر اور شیرعلی ارباب ضلع پشاورکے صدر تھے۔
- Advertisement -
حکومت کی جانب سے اعلامیہ میں کہا ہے کہ ارباب عاصم پی ٹی آئی پشاور ریجن کا صدر ، عرفان سلیم ضلع پشاور کا صدر اور شہاب ایڈووکیٹ پشاور کا جنرل سیکرٹری مقرر کردیا ہے۔
عاطف خان نے برطرف وزیرشکیل خان کے حق میں بیان دیا تھا جبکہ شیرعلی ارباب نےوزیراعلیٰ پر اعتماد سے متعلق اقرار نامے پر دستخط کرنےسےانکارکیاتھا۔
پی ٹی آئی خیبرپختونخوا کے جنرل سیکریٹری علی اصغرخان نے نوٹیفکیشن جاری کردیئے ہیں۔
