کراچی : وزیراعلیٰ سندھ مراد علی شاہ نے سندھ میں ایک لاکھ 13ہزار553 کورونا کیسز اور 2000 سے زائد اموات کی تصدیق کردی ہے۔

تفصیلات کے مطابق وزیراعلیٰ سندھ مراد علی شاہ نے کورونا وائرس کی صورتحال پر بیان کرتے ہوئے کہا گزشتہ 24 گھنٹےمیں 7069 ٹیسٹ کیے گئے اور اس دوران 546 نئے کیس سامنےآئے، اب تک 6 لاکھ 49ہزار917 ٹیسٹ کیے گئے ہیں تاحال ایک لاکھ 13ہزار553 کیس سامنے آچکے ہیں۔

اموات کے حوالے سے  وزیراعلیٰ سندھ  کا کہنا تھا کہ گزشتہ 24 گھنٹوں میں مزید 26 مریض انتقال کرگئے، جس کے بعد کوروناکے باعث 2019مریض انتقال کرچکےہیں۔

مراد علی شاہ نے بتایا کہ تاحال 18600 مریض زیر علاج ہیں، 17824 مریض گھروں اور 64 قرنطینہ مراکز میں ہیں جبکہ 712 مریض مختلف اسپتالوں میں زیر علاج ہیں، جس میں سے  535 مریضوں کی حالت تشویشناک ہے اور اس وقت 75 مریض وینٹی لیٹرز پر ہیں۔

انھوں نے مزید کہا کہ 24گھنٹے میں 897 مریض صحتیاب ہوچکےہیں ، تاحال 9ہزار934مریض صحت یاب ہوچکےہیں جبکہ کراچی میں 179 نئے کیسز کی تشخیص ہوئی ہے۔