وزیراعلیٰ پنجاب چوہدری پرویز الہٰی نے گورنر بلیغ الرحمٰن کی جانب سے خود کو ڈی نوٹیفائی کرنے کے نوٹیفکیشن کو مسترد کردیا ہے۔
اے آر وائی نیوز کے مطابق پرویز الہٰی نے گورنر پنجاب بلیغ الرحمٰن کے اقدام کو مسترد کرتے ہوئے کہا ہے غیر قانونی ڈی نوٹیفکیشن کو نہیں مانتا۔ میں اب بھی وزیراعلیٰ ہوں اور پنجاب کابینہ اپنا کام جاری رکھے گی۔
ان کا کہنا تھا کہ گورنر کے اس غیر قانونی اقدام کے خلاف صبح عدالت جائیں گے۔
واضح رہے کہ گورنر پنجاب کی جانب سے ڈی نوٹیفائی کیے جانے کے بعد رات گئے وزیراعلیٰ پنجاب چوہدری پرویز الہٰی کی زیر صدارت اجلاس میں اس اقدام کو عدالت میں چلینج کرنے کا فیصلہ کیا گیا۔
یہ بھی پڑھیں: وزیراعلیٰ پنجاب کو ڈی نوٹیفائی کرنے کیخلاف پٹیشن تیار، آج دائر کی جائیگی
ذرائع کا کہنا ہے کہ وزیراعلیٰ کے وکلا نے اس حوالے سے پٹیشن تیار کرلی ہے جو آج لاہور ہائیکورٹ میں دائر کی جائے گی۔
