The news is by your side.

Advertisement

وزیراعلیٰ پنجاب کا انتظامی ٹیم میں تبدیلیوں کا فیصلہ

لاہور: وزیراعلیٰ پنجاب عثمان بزدار نے عوامی رابطوں کے بعد سیاسی،انتظامی ٹیم میں تبدیلیوں کا فیصلہ کیا ہے۔

ذرائع کے مطابق عثمان بزدار نے آئندہ دو سال تبدیلیاں خود کرکےفرنٹ فٹ پر کھیلنےکا فیصلہ کیا ہے، عثمان بزدار تین سال تک تبدیلیوں کےفیصلےوفاق کی مشاورت سےکرتےرہے۔

ذرائع کا کہنا ہے کہ اب وزیراعلیٰ پنجاب اپنی سیاسی،انتظامی ٹیم میں تبدیلیاں خودکریں گے، عثمان بزدار چند روز میں کابینہ،انتظامی ٹیم میں تبدیلیوں کااعلان کرینگے، اسی تناظر میں عثمان بزدار آئی جی پنجاب،انتظامی افسران کےنام خود وفاق کوبھیجیں گے۔

ذرائع نے دعویٰ کیا ہے کہ وزیراعلیٰ پنجاب نےدو افسران کےتبادلےکیلئے وفاق سےرابطہ کرلیا ہے، آئی جی پنجاب اورچیف سیکرٹری پنجاب کی تبدیلی کا امکان ہے،فیصلہ انتظامی اور سیکیورٹی کی صورتحال کوبہتر کرنے کیلئےکیاگیا، وزیراعلیٰ نےگزشتہ ہفتےآٹھ ڈپٹی کمشنر اور متعددسیکرٹریزکو تبدیل کیاتھا۔

Comments

یہ بھی پڑھیں