بدھ, فروری 19, 2025
اشتہار

ذاتی انااور”میں“ کی روش نےملک کوبے پناہ نقصان پہنچایا،شہبازشریف

اشتہار

حیرت انگیز

لاہور: وزیراعلیٰ شہبازشریف کا کہناہے کہ”ہم“ کی روش پر چلنا ہوگا،ذاتی انا اور”میں“ کی روش نےملک کو بے پناہ نقصان پہنچایا ہے۔

تفصیلات کےمطابق وزیر اعلیٰ شہباز شریف سے سندھ کے وزیراعلیٰ مراد علی شاہ نے لاہور میں ملاقات کی اور باہمی دلچسپی کے امور سمیت صوبوں کے مابین تعلقات کے فروغ پر تبادلہ خیال کیا۔

وزیراعلیٰ سندھ اور وزیراعلیٰ پنجاب کی ملاقات میں دونوں وزرائے اعلیٰ نے بین الصوبائی ہم آہنگی کو فروغ دینے پر اتفاق کیا۔

اس موقع پر وزیراعلیٰ شہباز شریف کا کہنا تھا کہ پاکستان کو آگے لے جانے کےلیے ”ہم“ کی روش پر چلنا ہو گا، ذاتی انا اور ”میں“ کی روش نے ملک کو بے پناہ نقصان پہنچایا ہے۔

انہوں نے کہا کہ پاکستان چار اکائیوں،گلگت بلتستان اور آزاد کشمیر پر مشتمل ہے،جب چاروں اکائیاں ترقی کریں گی تو ملک آگے بڑھے گا اور ہم سب نے مل کر ملک کی ترقی اور خوشحالی کےلیے کام کرنا ہے۔

وزیراعلیٰ سندھ سید مراد علی شاہ نے وزیراعلیٰ شہبازشریف کےلیے نیک خواہشات کا اظہار کیا۔انہوں نے نے شہباز شریف کوگلدستہ بھی پیش کیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں