The news is by your side.

Advertisement

وزیراعلیٰ پنجاب کی گجرات والوں کیلئے بڑے منصوبے کی منظوری

لاہور : وزیراعلیٰ پنجاب عثمان بزدار نے اسپیکرپنجاب اسمبلی کی تجویز پر گجرات میں مدراینڈچائلڈاسپتال منصوبےکی اصولی منظوری دے دی اور کہا غلط فہمیاں پیدا کرنے والوں کی کوئی سازش کامیاب نہیں ہو گی۔

تفصیلات کے مطابق اسپیکر پنجاب اسمبلی چوہدری پرویز الٰہی کی وزیراعلیٰ پنجاب عثمان بزدار سے ملاقات ہوئی ، ملاقات میں بجٹ سیشن،سیاسی صورت حال اور فلاح عامہ کے پروگرام پر تبادلہ خیال کیا گیا اور کورونا کاپھیلاؤ روکنے کے لئے کئے جانے والے اقدامات پر بھی بات چیت ہوئی۔

چوہدری پرویزالٰہی نے ریلیف بجٹ پیش کرنے پرعثمان بزدار کو مبارکباد دی جبکہ وزیراعلیٰ پنجاب نے بجٹ سیشن احسن طریقے سے چلانے پر پرویز الٰہی کی کاوشوں کو سراہا۔

وزیراعلیٰ پنجاب اور اسپیکرپنجاب اسمبلی نے عوام کی خدمت کیلئےملکرکام کرنےکےعزم کااعادہ کیا اور دونوں رہنماؤں کا بہترین ورکنگ ریلیشن شپ پر اطمینان کا اظہار کیا۔

عثمان بزدار نے کہا کہ اتحادی ساتھ رہیں گے اور اتحاد بھی مضبوط تر ہو گا، ق لیگ سےاتحادپہلےسے مضبوط اورورکنگ ریلیشن شپ بہترہوئی، آس لگانے والوں کو یاس کے سوا کچھ نہیں ملے گا، پہلے بھی ایک تھے، اب بھی ایک ہیں اور آئندہ بھی ایک رہیں گے۔

وزیراعلیٰ پنجاب کا کہنا تھا کہ غلط فہمیاں پیدا کرنے والوں کی کوئی سازش کامیاب نہیں ہو گی، اپوزیشن کے پاس فلاح عامہ کا کوئی ایجنڈا نہیں، صرف نان ایشوز پر سیاست چمکائی جا رہی ہے، تنقیدکی پرواکئےبغیرعوام کی خدمت کےسفرکوتیزی سےآگےبڑھائیں گے۔

چوہدری پرویزالٰہی نے کہا کہ وزیر اعلیٰ عثمان بزدار کے ساتھ ہیں اور رہیں گے، اپوزیشن کے پاس فلاح عامہ کا ایجنڈا ہے نہ کورونا سےنمٹنےکا، سابق حکمرانوں نےمیرےدورکےلینڈمارک منصوبوں کوختم کرکےعوام پر ظلم کیا، اتحادمیں دراڑڈالنےکی خواہش رکھنے والوں کے ارمان پورے نہیں ہوں گے۔

ملاقات کے دوران وزیر اعلی پنجاب نےگجرات میں مدراینڈچائلڈاسپتال منصوبےکی اصولی منظوری دے دی ، اسپیکرپنجاب اسمبلی کی تجویز پر گجرات میں500 بستروں پرمشتمل مدر اینڈ چائلڈ اسپتال بنے گا۔

عثمان بزدار نے کہا گجرات میں مدر اینڈ چائلڈ اسپتال کیلئے فنڈز ترجیحی بنیادوں پر فراہم کریں گے، گجرات سمیت پنجاب کے دیگر اضلاع میں بھی مدر اینڈ چائلڈ اسپتال قائم کررہے ہیں، ماں اور بچے کی صحت کے منصوبے ہماری ترجیحات میں شامل ہیں۔

Comments

یہ بھی پڑھیں