لاہور : وزیراعلیٰ پنجاب عثمان بزدار نے کورونا کی بگڑتی صورتحال کے پیش نظر اسپتالوں میں وینٹی لیٹرزاور آکسیجن بیڈز فوری بڑھانے کی ہدایات کردیں۔
تفصیلات کے مطابق معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ کوروناکی صورتحال روز بروز بگڑتی جارہی ہے، وزیراعلیٰ پنجاب نے وینٹی لیٹرزاور آکسیجن بیڈز فوری بڑھانےکی ہدایات دیدیں، مریضوں کی تعداد میں مسلسل اضافے سے اسپتالوں پر دباؤ بڑھ رہا ہے جبکہ متعلقہ محکمہ آکسیجن فراہم کرنے والی کمپنیوں سے رابطے میں رہے گا۔
کورونا کی بگڑتی صورتحال کے پیش نظر وزیراعلیٰ عثمان بزدار نے ہسپتالوں میں وینٹی لیٹرز اور آکسیجن بیڈز کی تعداد فوری بڑھانے کی ہدایات جاری کردیں۔ مریضوں کی تعداد میں مسلسل اضافے سے ہسپتالوں پردباؤ بڑھ رہاہے۔ متعلقہ محکمہ آکسیجن سپلائی کرنے والی کمپنیز سےمسلسل رابطے میں رہے گا۔
— Dr. Firdous Ashiq Awan (@Dr_FirdousPTI) April 26, 2021
فردوس عاشق اعوان کا کہنا تھا کہ اسپتالوں میں آکسیجن فراہمی کوہرصورت یقینی بنایا جائے گا اور آکسیجن سلنڈر مہنگے داموں بیچنے والوں سے آہنی گہاتھوں نمٹاجائے گا۔
معاون خصوصی نے مزید کہا عوام خداراہوش کےناخن لیں،ایس اوپیزپرعمل یقینی بنائیں، عوام اپنی قیمتی زندگیوں کی قدرکریں، کورونا پر قابو پانے کیلئے عوامی تعاون اشد ضروری ہے۔
ہسپتالوں میں آکسیجن فراہمی کو ہرصورت یقینی بنایا جائیگا۔ وبائی صورتحال کا ناجائز فائدہ اٹھاکر آکسیجن سلنڈرز مہنگے داموں بیچنے والوں سے آہنی ہاتھوں نمٹیں گے۔ عوام خدارا ہوش کے ناخن لیں SOPs پر عملدرآمد کو یقینی بنائیں اور اپنی قیمتی زندگیوں کی قدر کریں۔ عوامی تعاون اشد ضروری ہے۔
— Dr. Firdous Ashiq Awan (@Dr_FirdousPTI) April 26, 2021
