لاہور: وزیراعلیٰ پنجاب نے ہوٹلوں میں مقیم قرنطینہ مسافروں کو غیر معیاری کھانوں کا نوٹس لے لیا۔
تفصیلات کے مطابق وزیراعلیٰ پنجاب سردار عثمان بزدار نے ہوٹلوں میں مقیم قرنطینہ مسافروں کو غیر معیاری کھانوں کا نوٹس لیتے ہوئے کمشنر لاہور ڈویژن اور پنجاب فوڈ اتھارٹی سے رپورٹ طلب کر لی۔
سردار عثمان بزدار کا کہنا تھا کہ غیر معیاری اور مہنگے کھانے کی تحقیقات کر کے رپورٹ پیش کی جائے،ذمےداروں کا تعین کر کے قانو ن کے مطابق کارروائی کی جائے۔
وزیراعلیٰ پنجاب نے کہا کہ معیاری اور مناسب نرخ پر کھانے کی فراہمی یقینی بنائی جائے،قرنطینہ مسافروں کو غیر معیاری کھانا فراہم کرنے کی اجازت نہیں دی جاسکتی۔
انہوں نے مزید کہا کہ قرنطینہ مسافروں کے مسائل حل کرنا میری ذمے داری ہے،غیر معیاری کھانے کے ذمہ داروں کے خلاف کارروائی ہو گی۔
خیال رہے کہ بیرون ملک سے ہوٹلوں میں قرنطینہ مسافروں نے شکایات کی تھیں کہ انہیں غیر معیاری اور مہنگے داموں کھانا دیا جا رہا ہے۔
پاکستان میں کرونا وبا سے مزید 22 اموات، تعداد 462 ہو گئی
واضح رہے کہ نئے اور مہلک وائرس کو وِڈ نائنٹین کی عالمگیر وبا سے پاکستان بھر میں اموات کی تعداد 462 ہو گئی ہے، ملک کے مختلف حصوں میں کرونا وائرس کے تصدیق شدہ کیسز کی تعداد بھی بڑھ کر 20,186 ہو گئی۔
نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق پاکستان میں کرونا وائرس کے کیسز تیز رفتاری کے ساتھ بڑھ رہے ہیں۔
