لاہور : وزیر اعلیٰ پنجاب عثمان بزدار کی خصوصی ہدایت پرایلیویٹڈ ایکسپریس وے کی باضابطہ منظوری دے دی گئی، ایکسپریس وے سے شہریوں کو آمد و رفت میں سہولت میسرآئے گی۔
تفصیلات کے مطابق وزیراعلیٰ پنجاب عثمان بزدار نے زندہ دلان لاہور کو بڑا تحفہ دیتے ہوئے ایلیویٹڈ ایکسپریس وے کی باضابطہ منظوری دے دی۔
کابینہ کی قائمہ کمیٹی فنانس اینڈڈیولپمنٹ میں 60ارب کے منصوبے اور ایلیویٹڈ ایکسپریس وے سالانہ ترقیاتی پروگرام میں شامل کرنے کی منظوری دی۔
عثمان بزدار کا کہنا ہے کہ ایکسپریس وے پراجیکٹ مین بلیووارڈ گلبرگ سے موٹر وے ایم 2 تک بنے گا، وزیر اعظم میگا پراجیکٹ ایلیویٹڈ ایکسپریس وے کا جلد سنگ بنیادرکھیں گے۔
وزیراعلیٰ پنجاب نے کہا کہ ایلیویٹڈ ایکسپریس وے سے عوام کو موٹروے تک آسان رسائی ممکن ہوگی اور ایلیویٹڈ ایکسپریس وےبننے سے کینال او رملتان روڈ پرٹریفک کا دباؤ کم ہوگا۔
ان کا کہنا تھا کہ ایکسپریس وے سے شہریوں کو آمدورفت میں سہولت میسر آئے گی، بڑھتی آبادی کے پیش نظرایکسپریس وے جیسے منصوبے ضروری ہیں، لاہور کی مصروف سڑکوں پرٹریفک دباؤ میں 65فیصد تک کمی ہوگی۔
عثمان بزدار نے مزید کہا کہ لاہور کے لیے ایلیویٹڈ ایکسپریس وے گیم چینجر ثابت ہو گا اور لاہور کی مصروف سڑکوں پرٹریفک دباؤ میں 65فیصد تک کمی ہوگی۔
ان کا مزید کہنا تھا کہ سابق حکمرانوں نےذاتی پسندوناپسند پرمنصوبے شروع کیے، ماضی کی حکومت نےلاہور کی بنیادی ضرورتوں کو نظر انداز کیا۔
