لاہور: وزیراعلیٰ پنجاب سردار عثمان بزدار نے دفعہ 144 کی خلاف ورزی کرنے والے افراد کو رہا کرنے کا حکم دے دیا۔
تفصیلات کے مطابق وزیراعلیٰ پنجاب سردار عثمان بزدار نے دفعہ 144 کی خلاف ورزی پر گرفتار افراد کی رہائی کا حکم دیتے ہوئے کہا کہ پولیس کو گرفتار افراد کی رہائی کا کہہ دیا ہے۔
عثمان بزدار کا کہنا تھا کہ پنجاب انصاف امداد پروگرام آج سے شروع ہوگا، امیدوار آن لائن،ایس ایم ایس کے ذریعے اپلائی کریں گے، تصدیق کے بعد 4 ہزار روپے فی خاندان ادا کیے جائیں گے۔
وزیراعلیٰ پنجاب نے صوبے میں مساجد اور بازاروں میں جراثیم کش اسپرے کرنے کی ہدایت کرتے ہوئے عوام سے اپیل کی کہ سماجی فاصلہ رکھیں اور گھروں میں رہیں۔
انہوں نے کہا کہ ایکسپو سینٹر میں ایک ہزار بستروں کا اسپتالکل سے کام شروع کر دے گا، محکمہ صحت کو 14 ارب روپے جاری کیے ہیں، محکمہ صحت کو ٹیسٹنگ کی صلاحیت بڑھانے کی ہدایت کی ہے۔
وزیراعلیٰ پنجاب نے انصاف امداد پیکج کی منظوری دے دی
یاد رہے کہ گزشتہ روز وزیراعلیٰ پنجاب سردار عثمان بزدار نے انصاف امداد پیکج کی منظوری دیتے ہوئے کہا تھا کہ انصاف امداد پیکج کے لیے10 ارب روپےمختص کر دیے ہیں۔
وزیراعلیٰ پنجاب نے انصاف امداد پیکج کو جلد لانچ کرنے کی ہدایت کرتے ہوئے کہا تھا کہ مستحق خاندانوں کو مالی امداد کی تقسیم کا عمل جلد شروع کیا جائے۔
