لاہور : نیب نے شہباز شریف کو چار جون اور فواد حسن فواد کو 25مئی کو طلب کرلیا، وزیر اعلیٰ پنجاب کو صاف پانی کمپنی کرپشن اسکینڈل جبکہ وزیراعظم کے پرنسپل سیکریٹری کو آشیانہ اقبال ہاؤسنگ اسکیم اسکینڈل میں طلب کیا گیا ہے۔
تفصیلات کے مطابق نیب نے شہبازشریف کو صاف پانی کرپشن اسکینڈل میں چار جون کوطلب کرلیا ہے، شہباز شریف جب تک سابق وزیر اعلیٰ ہوجائیں گے، تیس مئی کو موجودہ اسمبلیاں تحلیل ہوجائیں گی۔
خادم اعلیٰ اس وقت وزیراعلیٰ نہیں ہوں گے، آشیانہ ہاؤسنگ اسکینڈل میں پیشی کے بعد شہبازشریف دوسری بار نیب میں پیش ہوں گے۔
ذرائع کے مطابق لاہور نیب نے وزیراعلیٰ پنجاب شہبازشریف کو سوالنامہ بھجوادیا ہے، جس میں ان سے صاف پانی منصوبے سے متعلق سوالات پوچھے گئے ہیں۔
خیال رہے کہ شہباز شریف نیب کی طرف سے بلائی گئی تاریخ کو وزیر اعلی پنجاب نہیں ہوں گے کیونکہ تب تک موجودہ حکومت اپنا عرصہ اقتدار مکمل کرکے ختم ہوچکی ہوگی۔
دوسری جانب نیب ذرائع کا کہنا ہے کہ اس سے قبل وزیراعظم کے پرنسپل سیکریٹری فواد حسن فواد کو بھی25مئی کو نیب میں طلب کیا گیا ہے۔
مزید پڑھیں: صاف پانی کمپنی اسکینڈل سے متعلق مزید انکشافات سامنے آگئے
فواد حسن فواد کو آشیانہ اقبال ہاؤسنگ اسکیم اسکینڈل میں طلب کیا گیا، ان کو اس سے پہلے بھی چار بارطلب کیا جاچکا ہے، نیب ذرائع کا مزید کہنا ہے کہ فواد حسن فواد4میں سے دو بار نیب میں پیش ہوچکے ہیں، نیب فواد حسن فواد کے جواب سے مطمئن نہیں اس لئے انہیں دوبارہ طلب کیا گیا ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
