لاہور: وزیراعلیٰ پنجاب شہبازشریف کا کہناہےکہ پاکستان کے عوام مسائل کا حل اور ملک کی ترقی چاپتے ہیں،عوام نے الزام تراشی اور جھوٹ کی سیاست کرنے والوں کومسترد کردیا ہے۔
تفصیلات کےمطابق وزیراعلیٰ پنجاب شہبازشریف کا کہناہے کہ دھرنا گروپ کو عوام کی ترقی و فلاح گوارانہیں ہے،انہوں نے کہا کہ ن لیگ کی حکومت نے ملک کو خوشحالی کی راہ پرگامزن کیاہے کچھ عناصر خوشحالی کی راہ میں روڑے اٹکانے کی کوشش کررہے ہیں۔
شہباز شریف نے کہا ذاتی مفادات کےلیے قوم کو تقسیم کرنےوالوں کو ناکامی ہوئی،تبدیلی صرف نعروں اور تقریروں سے نہیں عملی اقدامات سے آتی ہے،حکومت کی بہترپالیسی کے سبب قومی معیشت مضبوط ہورہی ہے۔
مزید پڑھیں:نواز شریف نےکرپشن کرکےبچوں کےنام پرجائیداد بنائیں، عمران خان
یاد رہے کہ گزشتہ روز بہاولپور میں عمران خان نے جلسے سے خطاب کرتے ہوئے کہا تھاکہ نوازشریف نے ساری زندگی کرپشن کر کر کے پیسے اپنے بچوں کے نام پر ملک سے باہر بھیجوائے۔
مزید پڑھیں:پاناما کا پاجامہ شیخ رشید اورعمران خان کو پہنایا جائیگا،رانا ثناء اللہ
واضح رہے کہ گزشتہ روزہی صوبائی وزیر قانون پنجاب رانا ثناء اللہ نے کہاتھاکہ پاناما کا شکنجہ اب پاجامہ بن رہا ہے جو شیخ رشید اورعمران خان کو جلد پہنا دیا جائے گا۔