The news is by your side.

Advertisement

حکومت کے 2 سال مکمل، راولپنڈی میں ڈبل ڈیکر بسیں چل پڑیں

راولپنڈی: وزیراعلیٰ پنجاب عثمان بزدار نے ڈبل ڈیکر بس سروس کا افتتاح کردیا اور کہا بس سروس کاجلد بہاولپور میں بھی آغاز کریں گے، سیاحت کے فروغ سے روزگار کے نئےمواقع پیدا ہوں گے۔

تفصیلات کے مطابق وزیراعلیٰ پنجاب عثمان بزدار نے راولپنڈی میں ڈبل ڈیکربس سروس کاافتتاح کردیا، ڈبل ڈیکربس سے شہری اسلام آباد اور راولپنڈی کے سیاحتی مقامات کی سیرکرسکیں گے۔

ڈبل ڈیکر بس سروس کی افتتاحی تقریب سے خطاب کرتے ہوئے وزیراعلیٰ پنجاب عثمان بزدار نے کہا کہ سیاحت وز اعظم عمران خان کے دل کے بہت قریب ہے، کورونا کے باعث سیاحتی سرگرمیاں ماند رہیں۔

عثمان بزدار کا کہنا تھا کہ راولپنڈی کےعوام سے کیاگیاایک اور وعدہ پورا کر دیا ، ڈبل ڈیکر بس کاٹرمینل جلد مکمل کرنے کی ہدایت جاری کر دی ، بس سروس میں بزرگوں اور معذور افراد کے لیےرعایت ہو گی۔ ڈبل ڈیکربس سروس کاجلد بہاولپور میں بھی آغاز کریں گے۔

وزیراعلیٰ پنجاب نے کہا کہ ڈبل ڈیکربس سروس کاجلد بہاولپور میں بھی آغاز کریں گے اور کوہ سلیمان سےمری تک پنجاب کو سیاحتی مرکزبنائیں گے ، سیاحت کے فروغ سےروزگار کے نئےمواقع پیدا ہوں گے۔

ان کا کہنا تھا کہ نالہ لئی منصوبےکی فزیبلٹی مکمل ہونے والی ہے ،مری میں پانی کےمسئلےکےحل کےلیےترجیحی بنیادوں پرفنڈ دیں گے ،مری میں اسپتال کواپ گریڈ کیا جا رہا ہے، مری کی سب ڈویژن کو اپ گریڈ کریں گے اور نیا تھانہ بھی بنائیں گے۔

عثمان بزدار نے مزید کہا کہ جنوبی پنجاب کی ترقی کے لیےمختص 33 فیصد بجٹ کہیں اوراستعمال نہیں ہوسکتا، جنوبی پنجاب سیکرٹریز تعینات کئے جائیں گے جو مکمل با اختیار ہوں گے ، پنجاب کابینہ نے رولز آف بزنس میں ضروری ترامیم کر دی ہیں۔

ان کا کہنا تھا کہ صوبے کے تمام شہروں میں سیاحت کے فروغ کیلئے اقدامات کررہے ہیں، سیاحت کے حوالے سے راولپنڈی میں انسٹی ٹیوٹ بھی بن رہاہے۔

Comments

یہ بھی پڑھیں