The news is by your side.

Advertisement

‘وزیر اعظم عمران خان کی قیادت میں نیا پاکستان آگے بڑھتا جائے گا’

لاہور : وزیراعلیٰ پنجاب عثمان بزدار کا کہنا ہے کہ بے بنیاد الزامات لگانے والے ترقی کا سفر روکناچاہتےہیں لیکن وزیراعظم عمران خان کی قیادت میں نیا پاکستان آگے بڑھتا جائے گا۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ بے بنیاد الزامات لگانے والے ترقی کا سفر روکنا چاہتےہیں، ایسے عناصر ذاتی مفاد کی خاطر قومی مفاد کو نقصان پہنچا رہے ہیں۔

عثمان بزدار کا کہنا تھا کہ نئے پاکستان میں مفاد پرستوں کےمخصوص ایجنڈے کی گنجائش نہیں، شعبدہ باز ی کادورگزر گیا،لوٹ مار کی سیاست دفن ہو چکی ہے۔

وزیراعلیٰ پنجاب نے کہا کہ پروپیگنڈا کرنیوالے شفاف پاکستان کی جانب سفرکھوٹاکرناچاہتےہیں، مخالفین کی تنقید برائےتنقید کی کوئی پرواہ نہیں، الزامات لگائے والے پیچھے رہ جائیں گے۔

ان کا کہنا تھا کہ وزیر اعظم عمران خان کی قیادت میں نیاپاکستان آگےبڑھتاجائےگا، ترقی کےسفر میں رکاوٹیں کھڑی کرنے والےملک وقوم کے خیرخواہ نہیں، سازشی عناصر ناکام تھے،ناکام ہیں اورناکام رہیں گے۔

Comments

یہ بھی پڑھیں