وزیراعظم عمران خان پاکستان کے عوام کی امیدوں کا محور ہیں، عثمان بزدار
The news is by your side.

Advertisement

وزیراعظم عمران خان پاکستان کے عوام کی امیدوں کا محور ہیں، عثمان بزدار

لاہور: وزیراعلیٰ پنجاب عثمان بزدار کا کہنا ہے کہ وزیراعظم عمران خان پاکستان کے عوام کی امیدوں کا محور ہیں، حکومت اہداف کی جانب تیزی سے بڑھ رہی ہے، انڈسٹری کی ترقی سے معاشی استحکام آئے گا۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ حکومت اہداف کی جانب تیزی سے بڑھ رہی ہے، پنجاب میں نئی صنعتی پالیسی معیشت پرمثبت اثرات مرتب کرے گی۔

عثمان بزدار کا کہنا تھا کہ انڈسٹری کی ترقی سے معاشی استحکام آئے گا، مقامی اور غیر ملکی سرمایہ کاری کیلئے سازگار ماحول فراہم کر رہے ہیں، صوبے کے مختلف حصوں میں خصوصی اکنامک زون قائم کیے جائیں گے۔

وزیراعلیٰ پنجاب نے کہا وزیراعظم عمران خان پاکستان کے عوام کی امیدوں کا محور ہیں۔

مزید پڑھیں : قوم عمران خان کو انقلابی رہنما کے طور پر یاد رکھے گی، عثمان بزدار

گذشتہ روز وزیراعلیٰ پنجاب عثمان بزدار کا کہنا تھا کہ وزیراعظم کے 100 روزہ پلان کے اہداف پورےکریں گے، عوام کی خدمت کے وعدے پر آئے ہیں، وعدے نبھائیں گے، پنجاب حکومت درست سمت میں کام کررہی ہے،نئے قوانین، ترامیم 100روزہ پلان پرعمل درآمد کا حصہ ہیں۔

وزیراعلیٰ پنجاب نے کہا تھا ہماری توجہ کا محور پنجاب کا عام آدمی ہے، قوم عمران خان کوانقلابی رہنما کے طور پر یاد رکھے گی۔

اس سے قبل یاد رہے دو روز قبل سردار عثمان بزدار کا کہنا تھا کہ وزیراعظم عمران خان کی بے مثال قیادت میں ملک کی سمت درست کردی ہے، حکومت نے 100 روزمیں عزم، جانفشانی اور بساط سے بڑھ کر کام کیا، ماضی میں کوئی حکومت ایسا شاندارپروگرام نہیں دے سکی۔

Comments

comments

یہ بھی پڑھیں