The news is by your side.

Advertisement

سانحہ ساہیوال پر 72 گھنٹے میں جو کر سکتے تھے، وہ کیا: وزیراعلیٰ پنجاب

ٹوبہ ٹیک سنگھ: وزیر اعلیٰ پنجاب عثمان بزدار نے کہا ہے کہ سانحہ ساہیوال پر 72 گھنٹے میں جو کر سکتے تھے، وہ کیا.

ان خیالات کا اظہار انھوں نے ٹوبہ ٹیک سنگھ کے دورے کے موقع پر میڈیا سے گفتگو کرتے ہوئے کیا، ان کا کہنا تھا کہ واقعے سے متعلق مانیٹرنگ کر رہے ہیں.

انھوں نے کہا کہ ٹوبہ ٹیک سنگھ میں‌ پانی کا منصوبہ جلد شروع کیا جائے گا، جلد سٹرکوں اور صفائی کا نظام ٹھیک کریں گے.

وزیراعلیٰ نے اعلان کیا کہ موٹروے پر انڈسٹریل زون کا قیام عمل میں لایا جائے گا، فراہمی آب کےمنصوبے کی انکوائری کرائی جائے گی، پنجاب کے 36 اضلاع میں ترقیاتی فنڈز 2 دن میں مل جائیں گے.

ان کا مزید کہنا تھا کہ اگر میرا لیڈر میری تعریف کرتا ہے، تو مخالفین کو کیوں گلہ ہے؟

قبل ازیں وزیر اعلیٰ‌ پنجاب نے ملتان میں پولیس کی پاسنگ آؤٹ پریڈ سے خطاب میں کہا تھا کہ عوام کا تحفظ حکومتی ترجیحات میں سر فہرست ہے، پولیس عوام کےساتھ خوش اخلاقی سے پیش آئے.

مزید پڑھیں: سانحہ ساہیوال: سینیٹ کی قائمہ کمیٹی برائے داخلہ نے جے آئی ٹی کو مسترد کردیا

یاد رہے کہ 19 جنوری کو ساہیوال میں‌ کار پر فائرنگ سے خواتین اور بچی سمیت چار افراد ہلاک ہوگئے تھے.

واقعے پر عوام کی جانب سے شدید ردعمل آیا. وزیر اعظم نے نوٹس لیتے ہوئے وزیر اعلیٰ‌ کو متاثرہ خاندان سے ملاقات کی ہدایت کی.

بعد ازاں واقعے کی جے آئی ٹی تشکیل دی گئی، جس کی تفتیش جاری ہے.

Comments

comments

یہ بھی پڑھیں