وزیراعلیٰ سندھ سید قائم علی شاہ نے کراچی کے چار اہم نالوں کی فوری صفائی کا حکم دیتے ہوئے 18 کروڑ روپے جاری کرنے کی ہدایت کردی۔
وزیراعلیٰ سندھ سید قائم علی شاہ کی زیر صدارت مون سون سے متعلق اہم اجلاس منعقد ہوا جس میں ڈویژنل کمشنرز نے وڈیو لنکس کے ذریعے شرکت کی۔
اجلاس میں مون سون کی بارشوں کے پانی کی نکاسی کے معاملے پر بات ہوئی تو بند نالوں کا معاملہ سامنے آیا۔
وزیراعلیٰ نے شہر کے چار اہم نالوں اورنگی ، گجر ، کلری نالہ اور چوکر نالے کی صفائی کاحکم دیتے ہوئے نگرانی کے لیےکمیٹی بھی قائم کردی۔ اجلاس میں طے کیا گیا کہ نالوں کی صفائی آٹھ ہفتوں میں مکمل کرلی جائے گی۔
نالوں کی صفائی کے لیے وزیراعلیٰ نے رکاوٹیں دور کرتے ہوئے 18 کروڑ روپے کا فنڈ فوری جاری کرنے کی ہدایت دی۔ اجلاس میں طے پایا کہ نالوں کی صفائی آٹھ ہفتوں میں مکمل کرلی جائے۔ وزیراعلیٰ نے مٹیاری، لاڑکانہ، شنک بند کی بھی صفائی کا حکم دیا۔