لاہور: وزیراعلیٰ پنجاب نے سیاحتی علاقے مری کی موجودہ صورت حال کے پیش نظر ریسٹ ہاؤسز اور سرکاری اداروں کو سیاحوں کیلئے کھولنے کی ہدایت جاری کردی ہے۔
تفصیلات کے مطابق ٹوئٹر پر جاری بیان میں وزیراعلیٰ پنجاب نے مری میں ایمرجنسی کےنفاذ کا اعلان کیا اور اپنا ہیلی کاپٹربھی ریسکیو سرگرمیوں میں حصہ لینے کےلئے دے دیا ہے۔
عثمان بزدار نے کہا کہ اسپتالوں میں ہنگامی حالت کا نفاذ کیا گیاہے، مری میں ریسٹ ہاؤسز اور سرکاری اداروں کو سیاحوں کیلئےکھول دیاگیا ہے، جہاں انہیں کھانےپینےکی اشیا اور ضروری امدادی سامان فراہم کیاجارہاہے۔
وزیراعلیٰ پنجاب نے بتایا کہ ڈی جی ریسکیو کو مری جاکرریسکیو آپریشن لیڈ کرنےکی ہدایت کی گئی ہے کیونکہ پنجاب حکومت پہلی ترجیح سڑکوں پر پھنسے سیاحوں کو بحفاظت نکالنا ہے۔
وزیراعلیٰ پنجاب نے مری میں ایمرجنسی نافذ کر دی
پولیس، انتظامیہ، ریسکیو 1122 اور ہسپتالوں میں ہنگامی حالت کا نفاذ کیا گیا ہے
ریسکیو کےلیے فوج اور رینجرز کےدستے بھی طلب کر لیےگئے
چیف سیکرٹری، IG پولیس، ریلیف کمشنر، DG ریسکیو اور PDMA کو ریسکیو سرگرمیوں کی خود مانیٹرنگ کی ہدایت
— Government of Punjab (@GovtofPunjabPK) January 8, 2022
عثمان بزدار نے مری میں شدید برف باری اور آکیسجن کی کمی کے باعث سیاحوں کے جاں بحق ہونے پر افسوس کا اظہار کرتے ہوئے لواحقین سے تعزیت کی ہے۔
واضح رہے کہ مری کو شدید برفباری کے نتیجے میں اب تک 16سے 19 اموات ہوچکی ہیں۔
سیاحوں کے لئے اہم ہدایات جاری
ڈائریکٹر جنرل گلیات ڈولپمنٹ اتھارٹی نے مری کی موجودہ صورت حال پر سیاحوں کو ہوٹلوں سےچیک آؤٹ کرنے سے روک دیا ہے، جاری بیان میں کہا گیا ہے کہ سنگل سڑک کھولنےکےبعد ہی سیاح چیک آؤٹ کرسکتےہیں۔
ضلعی انتظامیہ کے مطابق گلیات کےہوٹلزمیں سلینڈرز کی کمی پڑ گئی ہے جبکہ متعدد ہوٹلز میں پانی کی بھی شدیدقلت ہے۔
ڈپٹی کمشنر ایبٹ آباد
ڈپٹی کمشنر ایبٹ آباد کی جانب سے بتایا گیا ہے کہ مری روڈ اور لینڈسلائیڈ کی کلیئرنس پر کام جاری ہے، سیاحوں کی7ہزار گاڑیوں کو ریسکیوکرلیاگیا ہے، انہوں نے سیاحوں سے اپیل کی ہے کہ سیاح گلیات کی جانب سفر سےاجتناب کریں۔
