The news is by your side.

Advertisement

تھر کی صورتحال پر وزیراعلی سندھ کی زیر صدارت اجلاس

کراچی : تھرکی صورتحال پر وزیراعلی سندھ قائم علی شاہ کی زیرِصدارت اجلاس ہوا، اجلاس میں صوبائی وزرا اور ارکان قومی و صوبائی اسمبلی اور وزیر داخلہ سہیل انورسیال نے شرکت کی۔

تھر کی صورتحال پر وزیرِاعلی سندھ کی زیرِ صدارت اجلاس میں وزیرِ داخلہ سہیل انورسیال، صوبائی وزراء جام خان شورو، ناصرحسین شاہ، فریال تالپور اور تھر کے ارکان قومی وصوبائی اسمبلی ممبران نے شرکت کی، تھر کا دورہ کرنے والے ارکان نے اجلاس کو بریفنگ دی۔

مشیر اطلاعات مولابخش چانڈیو کا کہنا تھا کہ اجلاس میں تھر کے تمام اسپتالوں کا بجٹ دوگنا کرنے اور موبائل ڈسپنسری سروس کا شروع کرنے کا فیصلہ کیا گیا ہے۔

اجلاس میں فیصلہ کیا گیا تھر میں قحط کی کوئی صورتحال نہیں ہے، اس کے باوجود ضلع کے عوام کو مفت گندم فراہم کی جائے گی۔

Comments

comments

یہ بھی پڑھیں