وزارت داخلہ مدارس کا معاملہسرد خانے کی نذرکرنا چاہتی ہے: مراد علی شاہ CM Sindh
The news is by your side.

Advertisement

وزارت داخلہ مدارس کا معاملہ سرد خانے کی نذرکرنا چاہتی ہے، مراد علی شاہ

کراچی: وزیر اعلیٰ سندھ مراد علی شاہ کا کہنا ہے کہ وزارت داخلہ کو 94 مدارس کی فہرست کے ساتھ ثبوت بھی ارسال کردیے ہیں تاحال اس پر کوئی عمل درآمد نہیں ہوا۔

تفصیلات کے مطابق سندھ کابینہ کا اجلاس وزیراعلی سندھ مراد علی شاہ کی زیرصدارت منعقد ہوا، اجلاس کے دوران مراد علی شاہ نے وزیرداخلہ چوہدری نثار کے بیان کا سختی سے نوٹس لیتے ہوئے کہا کہ وزارت داخلہ کو 94 مدارس کی فہرست کے ساتھ ثبوت بھی ارسال کیے ہیں،انہوں نے کہا کہ وزارت داخلہ مدارس کے معاملے کو سیاسی بنارہی ہے۔

یہاں پڑھیں:پیپلزپارٹی کومجھ سےجوتکلیف ہےوہ سب جانتے ہیں،چوہدری نثار

مراد علی شاہ نے کہا کہ دہشت گردوں نے ہماری اعلیٰ قیادت کو نشانہ بنایا ہے، ہمارے پولیس اوررینجرز کے جوان بھی دہشت گردی کی نذر ہوئے ہیں، ہم پیچھے نہیں ہٹیں گے، انہوں نے کہا کہ وزارتِ داخلہ مدارس کے معاملے کو سرد خانے کی نذر کرنا چاہتی ہے۔

قبل از اجلاس میں آئی جی سندھ اے ڈی خواجہ نے کراچی کی لاء اینڈ آرڈر کی صورتحال کے حوالے سے بریفنگ دی۔ اے ڈی خواجہ نے کہا کہ شہر کی موجودہ صورتحال کے پیش نظرفرقہ وارنہ واقعات میں نمایاں کمی آئی ہے۔

یہاں پڑھیں: اسٹریٹ کرائمز کی وارداتوں میں ہوشربا اضافہ

اسٹریٹ کرائمز کے حوالے سے آئی جی سندھ کا کہنا تھا کہ ان واقعات پرتاحال اہم پیش رفت نہیں‌ہوسکی ہے تاہم مقصد کے حصول کے لیے کوشش جاری ہے، آئی جی سندھ اے ڈی خواجہ نے کہا کہ اسٹریٹ کرائم سے ضلع غربی و ضلع شرقی متاثر ہیں۔

ترجمان سندھ کے مطابق وزیراعلیٰ سندھ مراد علی شاہ نے چوری یا چھینے گئے موبائل فون یا موٹر سائیکل کے خریدنے والے دکان داروں کے خلاف فوری کارروائی کرنے کی ہدایت کی۔

Comments

comments

یہ بھی پڑھیں