کراچی:وزیراعلیٰ سندھ مرادعلی شاہ نے بلوچستان کے وزیراعلیٰ جام کمال سے ملاقات کی ، ملاقات میں صوبائی ہم آہنگی کے فروغ اور دہشت گردی کے سدباب پر تبادلہ خیا ل کیا گیا۔
تفصیلات کے مطابق کراچی کے وزیراعلیٰ ہاؤس میں ہونے والی اس ملاقات میں دونوں وزرائے اعلیٰ نے صوبائی ہم آہنگی، قیامِ امن اور دہشت گردوں کے خلاف مل کر کام کرنے کا عہد کیا ۔
ملاقات میں دونوں رہنماؤں نے فیصلہ کیا کہ قیام امن اور دہشت گردی کی روک تھام کے لیے سندھ اور بلوچستان بارڈرزپردونوں اطراف چیک پوسٹوں کومزید بہتر کر
کیا جائے گا۔
وزیراعلیٰ سندھ کے ترجمان کے مطابق جولائی 2018 کے الیکشن کے نتیجے میں بننے والی نئی حکومت کے بعد دونوں وزرائےاعلیٰ کےدرمیان یہ پہلی باضابطہ ملاقات ہے۔ انہوں نے یہ بھی بتایا کہ دونوں صوبوں کے آئی جیز کے مابین کوآرڈینیشن پہلے سےجاری ہے۔
اس موقع پر وزیراعلیٰ سندھ مراد علی شاہ نے کہا کہ سندھ او ربلوچستان تاریخی رشتے سے جڑے ہیں اور دونوں صوبوں کے عوام آپس میں بھائیوں کی طرح رہتے ہیں۔
