The news is by your side.

Advertisement

رمضان میں شام 5بجے کے بعد لاک ڈاؤن ہوگا، وزیراعلیٰ سندھ

کراچی : وزیراعلیٰ سندھ مرادعلی شاہ کا کہنا ہے کہ رمضان میں شام5بجےکےبعدلاک ڈاؤن ہوگا، شام 5بجے کے بعد تمام راستوں کی ناکہ بندی کی جائے گی جبکہ کاروبار پیر تا جمعرات صبح 9 سے 3بجے تک ہوگا۔

تفصیلات کے مطابق وزیراعلیٰ سندھ مرادعلی شاہ کی زیر صدارت رمضان المبارک میں کاروبارکیلئےایس اوپی سےمتعلق اجلاس ہوا، جس میں وزیراعلیٰ سندھ نے کہا کہ رمضان میں کاروبارپیرتاجمعرات صبح9 سے3بجےتک ہوگا اور صبح8سے5بجےتک دکانیں کھلی رہیں گی۔

مراد علی شاہ کا کہنا تھا کہ احترام رمضان آرڈیننس جاری رہےگا، تیار کھانے کی ڈلیوری 5سے10بجےتک ہوگی جبکہ سحری میں کوئی ہوم ڈلیوری سروس نہیں ہوگی۔

انھوں نے کہا کہ محکمہ داخلہ ایک ایس او پی، کاروباری سرگرمیوں کیلئےنوٹیفکیشن جاری کرےگا ، نوٹیفکیشن میں کاروباری سرگرمیوں کا وقت بتایاجائے گا جبکہ ماہ رمضان میں سحری کےاوقات دکانیں نہیں کھلیں گی۔

وزیراعلیٰ سندھ میں رمضان میں شام5بجے کے بعد لاک ڈاؤن ہوگا، شام 5بجے کے بعد تمام راستوں کی ناکہ بندی کی جائے گی ، مسجد میں اجتماعی افطاراورتراویح کی اجازت نہیں ہوگی جبکہ ماہ رمضان میں ڈبل سواری پر مکمل پابندی ہوگی۔

یاد رہے وزیراعلیٰ سندھ مراد علی شاہ نے اپنے پیغام میں کہا تھا کہ ماہرین کے مطابق اگلے 15 دن بہت اہم ہیں ،اگلے 15دن لاک ڈاؤن سخت کریں گے، عوام تراویح گھروں میں پڑھیں۔

وزیراعلیٰ سندھ کا کہنا تھا کہ کوروناصورتحال کےباعث مشکل فیصلے کرنے پڑرہے ہیں،ڈاکٹرز نے پریس کانفرنس میں اپنے خدشات سے آگاہ کردیا ہے ، اگر بڑے اجتماعات سے گریز نہ کیاگیا تو وبا تیزی سے پھیلے گی، علما کرام سے میری درخواست ہے حکومت سے تعاون کریں ، ہمارے اسپتال بھرگئے ہیں۔

Comments

یہ بھی پڑھیں