کراچی : پولیو کے عالمی دن کے موقع پر وزیراعلی سندھ سید مراد علی شاہ کا کہنا ہے کہ پولیو ایک خطرناک مرض ہے جسے سندھ اور وفاقی حکومت ملکر ختم کریں گی۔
تفصیلات کے مطابق پولیو کے عالمی دن پر سندھ حکومت کی جانب سے وزیراعلیٰ سندھ سید مراد علی شاھ نے ابراہیم حیدری پہنچ کر بچوں کو پولیو کے قطرے پلاکر چار روزہ انسداد پولیو مہم کا افتتاح کیا، وزیر اعلی سندھ سید مراد علی شاھ نے کہا کے پولیو ایک خطرناک مرض ہے، جسے سندھ اور وفاقی حکومت ملکر ختم کریں گی اس سال 83 لاکھ بچوں کو پولیو کے قطرے پلانے ہیں۔
مزید پڑھیں : پولیو کا عالمی دن، ملک بھر میں انسدادِ پولیو مہم شروع
وزیراعلیٰ سندھ نے کہا کے صوبائی مالیاتی کمیشن کا قیام عمل میں نا آنے وجہ سے بلدیاتی اداروں میں مالیاتی معاملات ہیں۔
انکا مزید کہنا تھا کہ ہمیں اہنے شہیدوں پر ناز ہے، پاکستان تحریک انصاف کو شہداء ریلی جیسی ریلی نکالنے کیلئے اب وقت لگے گا۔
مراد علی شاہ نے کہا کے کراچی ٹھٹہ اور بدین سمیت کئی ایسے علاقے ہیں جہاں کے لوگ گٹکہ، مین پڑی اور دیگر نشہ آور اشیاء کے عادی بن چکے ہیں اب ان کو نشہ چھڑانہ ہے۔
