The news is by your side.

Advertisement

آصف زرداری سے ملاقات کیلئے وزیراعلیٰ سندھ دبئی روانہ

کراچی : سابق صدر آصف زرداری سے ملاقات کے لئے وزیراعلیٰ سندھ مراد علی شاہ دبئی روانہ ہوگئے۔

تفصیلات کے مطابق وزیر اعلیٰ سندھ مراد علی شاہ سابق صدر و شریک چیئرمین پیپلزپارٹی آصف علی سے ملاقات کیلئے دبئی روانہ ہوگئے، سابق صدر آصف علی زرداری نے وزیراعلیٰ سندھ کو سندھ کی سیاسی صورتحال و کارکردگی کی تفصیلات جانے کے لیے دبئی طلب کیا تھا۔


 مزید پڑھیں : سابق صدر آصف علی زرداری نے وزیراعلیٰ سندھ دبئی طلب کرلیا


زرائع کے مطابق ملاقات میں کابینہ کی کارکردگی سےمتعلق تبادلہ خیال کیا جائے گا جبکہ بائیس اگست کے بعدکی صورتحال پربھی تبادلہ خیال ہوگا،ملاقات میں سندھ کی بیوروکریسی میں ردوبدل پربھی بات چیت ہوگی۔

وزیراعلیٰ دبئی میں پیپلزپارٹی کے دیگر رہنماؤں سے بھی ملاقات کریں گے۔


 مزید پڑھیں: نو منتخب وزیر اعلیٰ سندھ مراد علی شاہ دبئی روانہ


وزیر اعلیٰ ہاؤس کے ذرائع نے اس بات کی تصدیق کی ہے کہ ’’مراد علی شاہ دبئی سے کراچی واپس آکر اہم فیصلے کریں گے جن میں میئر کراچی کو سہولیات اور بیورو کریسی میں تبادلے وغیرہ شامل ہیں۔

یاد رہے وزیر اعلیٰ سندھ مراد علی شاہ نے چیف ایگزیکٹو سندھ کا منصب سنبھالنے کے بعد اگلے روز لاڑکانہ گڑھی خدا بخش کا دورہ کیا تھا اور بانی پیپلزپارٹی اور بے نظیر بھٹو کے مزار پر فاتحہ خوانی کی تھی بعد ازاں انہیں سابق صدر نے طلب کرلیا تھا جس کے بعد وہ سیہون کا مختصر دورہ کر کے فوراً دبئی روانہ ہوگئے تھے۔

 

Print Friendly, PDF & Email

Comments

comments

یہ بھی پڑھیں