وزیر اعلیٰ سندھ سید مراد علی شاہ کے جہاز میں فیملی کے ہمراہ سفر کرنا افسران کو مہنگا پڑ گیا دونوں افسران کو معطل کر دیا گیا۔
اے آر وائی نیوز کے مطابق وزیر اعلیٰ سندھ کے سرکاری جہاز میں فیملی کے ہمراہ سفر کرنا افسران کو مہنگا پڑ گیا اور 17 گریڈ کے دونوں افسران کو معطل کر دیا گیا ہے، جس کا نوٹیفکیشن بھی جاری کر دیا گیا ہے۔
نوٹیفکیشن کے مطابق معطل ہونے والے افسران میں 17 پی ایم ایس کیڈر کے سیکشن افسر وی آئی فلائٹ سید فراز علی اور سندھ ہاؤس کے پروٹوکول افسر واجد شاہ شامل ہیں۔ یہ دونوں افسران وزیراعلیٰ کے سرکاری جہاز میں اسلام سے کراچی آئے۔
چیف سیکریٹری سندھ آصف حیدر شاہ کا اس حوالے سے کہنا ہے کہ وزیراعلیٰ سندھ کا سرکاری جہاز ٹیسٹ فلائی کے طور پر اسلام آباد سے کراچی آ رہا تھا اور مذکورہ دونوں افسران نے بغیر اجازت فیملی کے ہمراہ اس میں سفر کیا۔
