The news is by your side.

Advertisement

گڈاپ کیڈٹ کالج ایشیا کے بہترین تعلیمی اداروں میں سے ایک ہوگا،قائم علی شاہ

کراچی : وزیراعلیٰ سندھ سید قائم علی شاہ نے کہا ہے کہ یہ میرا خواب ہے کہ گڈاپ کیڈٹ کالج صرف پاکستان کا ہی نہیں بلکہ ایشیا کے بہترین تعلیمی اداروں میں سے ایک ہو اور یہی وجہ ہے کہ میں نے کورکمانڈر کراچی کو بورڈ آف گورنرز کا چیئرمین بنایا ہے۔

انہوں نے یہ بات آج وزیراعلیٰ ہاوٴس میں کیڈٹ کالج گڈاپ کے بورڈ آف گورنرز کے اجلاس کی صدارت کرتے ہوئی کہی۔ وزیراعلیٰ سندھ نے کیڈٹ کالج گڈاپ کا پیٹرن انچیف بننے پر خوشی کا اظہار کیا۔

وزیراعلیٰ سندھ نے کہا کہ کیڈٹ کالج گڈاپ کا منصوبہ کراچی کے دیہی علاقہ میں شروع کیا گیا جس پر لاگت کا تخمینہ 1.5بلین روپے ہے۔

اس منصوبے کا مقصد دیہی علاقوں کے ہونہار طلباء کو گروم کرنا ہے تاکہ وہ پاکستان آرمی کو جوائن کر سکیں۔ یہ منصوبہ کورکمانڈر کراچی لیفٹیننٹ جنرل نوید مختار کے سپرد کیا گیا ہے، کیونکہ یہ اپنے عہد کے پکے ہیں اور وہ اس کالج کو ایشیاء کا بہترین تعلیمی ادارہ بنا سکتے ہیں۔

کورکمانڈر کراچی نے کہا کہ کیڈٹس کی تربیت اور تعلیم اعلیٰ معیار کی ہوگی اور ہر کوئی اپنے بچے یابچی کا کیڈٹ کالج گڈاپ میں داخلہ کراسکتا ہے۔

وزیراعلیٰ سندھ نے بورڈ آف گورنرز کو منصوبہ کی تکمیل اور اس کے آغاز کے حوالے سے اپنے مکمل اور بھرپور تعاون کا یقین دلایا۔

 

Print Friendly, PDF & Email

Comments

comments

یہ بھی پڑھیں