کراچی : وزیراعلیٰ سندھ مقبول باقر نے میٹرک بورڈ کے امتحانی نتائج میں بے قاعدگیوں کا نوٹس لیتے ہوئے انکشاف کیا امتحانی نتائج تیار کرنے والا دو سرکاری ملازمتیں کررہا ہے۔
تفصیلات کے مطابق وزیراعلیٰ سندھ جسٹس (ر) مقبول باقر نے میٹرک بورڈ کے امتحانی نتائج میں بے قاعدگیوں کا نوٹس لے لیا۔
وزیراعلیٰ سندھ جسٹس (ر)مقبول باقر نے بتایا کہ معلوم ہوا کہ امتحانی نتائج تیار کرنے والا دو سرکاری ملازمتیں کررہا ہے، بیک وقت دو سرکاری ملازمتیں کرنا غیر قانونی ہے۔
وزیراعلیٰ سندھ نے محکمہ تعلیم سے تفصیلی رپورٹ طلب کرتے ہوئے چھان بین کے بعد متعلقہ ملازم کے خلاف قانونی کارروائی کی ہدایت کردی۔
جسٹس (ر)مقبول باقر کا کہنا تھا کہ امتحانات جیسے اہم شعبے میں غیرقانونی ملازمت یا تبادلہ کیسے ہوا رپورٹ کریں۔
وزیراعلیٰ سندھ نے ہدایت کی کہ امتحانی نتائج کو شفاف بنانے کیلئے ہر ممکن اقدامات کئے جائیں جبکہ حکومت کی ساکھ مجروح کرنے والوں کے خلاف قانونی چارہ جوئی کا حکم بھی دیا۔
