The news is by your side.

Advertisement

کراچی میں کام ہوا ہے اور ماضی کی نسبت بہتری آئی ہے، وزیر اعلیٰ سندھ

کراچی: وزیر اعلیٰ سندھ مراد علی شاہ کا کہنا ہے کہ کراچی میں کام ہوا ہے اور ماضی کی نسبت بہتری آئی ہے، میڈیا صرف کراچی کو کیوں فوکس کررہا ہے باقی شہر بھی ہیں۔

اے آر وائی نیوز کے پروگرام ’آف دی ریکارڈ ‘ میں گفتگو کرتے ہوئے وزیراعلیٰ سندھ مراد علی شاہ نے کہا کہ تیز بارش میں کوئی شہر ہو اس کی یہی صورت حال ہوگی، اسکول اور شادی ہالز میں متاثرہ افراد کی منتقلی کا بندوبست کیا ہے۔

انہوں نے کہا کہ کراچی میں بارش کےسابقہ ریکارڈٹوٹ چکےہیں، شہر میں تقریباً500ملی میٹربارش ہوچکی ہے، سندھ میں ابھی بھی مزیدبارشوں کی پیشگوئی ہے، ڈرینجزبلاک کی گئیں جن کااندازہ ہے، سیوریج کےمسائل بھی ہیں جس کاتدارک ہے۔

مراد علی شاہ نے کہا کہ 2001 میں مشرف دور میں جو ایکٹ لائے تھے وہ بھگت رہے ہیں، کراچی میں جہاں200گزکےمکان ہوتےتھےاب وہاں عمارتیں ہیں، کراچی میں چوڑی سڑکیں تھیں اب وہاں تنگ سڑکیں رہ گئیں،ملبہ کسی پرنہیں ڈال رہاصورتحال سےآگاہ کررہاہوں۔

انہوں نے بتایا کہ شارع فیصل پرڈرینج سسٹم بنایا،یونیورسٹی روڈ کوٹھیک کیا، ہم نےکراچی میں کام کیاہےورنہ صورتحال مختلف ہوتی،بارش کےبعدشارع فیصل کچھ گھنٹےمیں کلیئرہوجاتاہے، ماضی میں شارع فیصل پر4،4دن پانی موجودرہتاتھا۔

وزیر اعلیٰ سندھ نے کہا کہ سوشل میڈیاپرممبئی،پیروکی ویڈیوزکراچی سےمنسلک کرکےدکھائی جاتی ہیں، سوشل میڈیاتوچھوڑیں مین اسٹریم چینلزپربھی دکھائی جاتی ہیں، آج بارش کی وجہ سےباہرنہیں نکل سکا،تھوڑی دیرکیلئےنکلاتھا۔

Comments

یہ بھی پڑھیں