کراچی : وزیر اعلیٰ سندھ نے کینسر کے مرض سے نبرد آزما مایہ ناز بلے بازحنیف محمد کی عیادت کی اور حکومتِ سندھ کی جانب سے ہرممکن علاج کی سہولیات مہیا کرنے کی یقین دہانی کرائی۔
تفصیلات کے مطابق سندھ کے نو منتخب وزیر اعلیٰ سید مراد علی شاہ نے پاکستان کرکٹ ٹیم کے مایہ ناز بلے باز اور کپتان حنیف محمد کی عیادت کی وہ مقامی اسپتال میں علاج کی غرض سے داخل ہیں،حنیف محمد کینسر کے عارضہ میں مبتلاہیں۔
وزیر اعلیٰ سندھ نے حنیف محمد کی عیادت کے دوران گفتگو کرتے ہوئے مایہ ناز بلے سے خیریت دریافت کی اور حکومتِ سندھ کی جانب سے علاج میں کسی قسم کسر نہ اُٹھا رکھنے کی یقین دہانی کی۔
وزیر اعلیٰ سندھ نے حنیف محمد کی خدمات کا اعتراف کرتے ہوئے کہا کہ میں آپ کا پرستار ہوں مجھے دنیائے کرکٹ میں آپ کا انداز بیٹنگ سب منفرد لگتا ہے۔
واضح رہے 81 سالہ حنیف محمد نے اپنے کیریئر کا 18 اکتوبر 1952 کو بھارت کے خلاف دہلی میں میچ کھیل کر کیا جب کے اپنا آخری میچ اکتوبر 1969 میں نیوزی لینڈ کے خلاف کراچی میں کھیلا۔
ایک روزہ میچ میں تین ہزار سے زائد اور ٹیسٹ میچ میں 17 ہزار زائد رنن بنانے والے حنیف محمد ٹیسٹ میچ میں ٹرپل سینچری جب کہ ون ڈے میچز میں 499 رنز بنانے اعزاز رکھتے ہیں۔
