سی پیک منصوبہ، وزیراعلیٰ سندھ چین کے دورے پر روانہ ہوگئے، اہم اجلاس میں شرکت ہوگی
The news is by your side.

Advertisement

سی پیک سے متعلق اہم اجلاس، وزیراعلیٰ سندھ چین کے دورے پر روانہ

کراچی: سی پیک سے متعلق اہم اجلاس میں شرکت کے لیے وزیراعلیٰ سندھ سید مراد علی شاہ چین کے دورے پر روانہ ہوگئے۔

تفصیلات کے مطابق پاک چین اقتصادی رہداری سے متعلق اہم اجلاس میں وزیراعلیٰ سندھ مراد علیٰ شاہ سمیت وزیراعلیٰ بلوچستان جام کمال بھی شریک ہوں گے۔

چین کے دارالحکومت بیجنگ میں ہونے والے اجلاس میں سی پیک منصوبہ پر عملدرآمد کا جائزہ لیا جائے گا، سندھ اور بلوچستان حکومتوں کی جانب سے بریفنگ دی جائے گی۔

سی پیک بلوچستان میں خوش حالی لائے گا:‌ وزیراعظم عمران خان

کراچی سرکلر ریلوے کا معاملہ بھی سندھ حکومت کی ترجیحات میں شامل ہے، اجلاس میں پاک چین مثالی دوستی پر بھی تبادلہ خیال کیا جائے گا۔

گذشتہ ہفتے وزیراعلیٰ بلوچستان جام کمال نے سی پیک پر سابقہ حکومت سے شکوے شکایتیں کیں اور خوب تنقید کا نشانہ بھی بنایا تھا۔

انہوں نے کہا تھا کہ بلوچستان نے سی پیک میں کچھ حاصل نہیں کیا، گوادرپورٹ کی سہولت عام آدمی کی زندگی میں بہتری نہیں لارہی، سی پیک میں بائیس ارب ڈالر خرچ ہوئے، بلوچستان میں ایک یا دو ارب ڈالر بھی خرچ نہیں ہوا۔

خیال رہے کہ رواں سال 12 دسمبر کو وزیراعظم عمران خان نے ایک تقریب سے خطاب کرتے ہوئے کہا تھا کہ سی پیک بلوچستان میں خوش حالی اور مواقع لائے گا۔

Comments

comments

یہ بھی پڑھیں