لاہور: وزیراعلیٰ پنجاب سردار عثمان بزدار نے لیگ اسپنر یاسر شاہ کو نیوزی کے خلاف شاندار باؤلنگ پر مبارکباد دیتے ہوئے کہا کہ وہ یاسر شاہ کی مزید کامیابیوں کے لیے دعاگو ہیں۔
تفصیلات کے مطابق وزیراعلیٰ پنجاب نے دبئی ٹیسٹ میں نیوزی لینڈ کے خلاف تباہ کن باؤلنگ کرنے ولاے اسٹار لیگ اسپنریاسرشاہ کو مبارکباد دی۔
سردار عثمان بزدار نے کہا کہ وہ لیگ اسپنر یاسر شاہ کی مزید کامیابیوں کے لیے دعاگو ہیں۔
نیوزی لینڈ کے خلاف گزشتہ روز پاکستانی لیگ اسپنر یاسر شاہ نے شاندار باؤلنگ کا مظاہرہ کرتے ہوئے کئی ریکارڈ اپنے نام کیے۔
یاسر شاہ کی ایک اننگز میں آٹھ وکٹیں
یاسر شاہ نے 47 رنز کے عوض 8 وکٹیں لے کر کیریئر کی بہترین باؤلنگ کی جو دبئی میں کسی بھی باؤلر کی شاندار باؤلنگ کا ریکارڈ ہے۔
اس سے قبل ویسٹ انڈیز کے دویندرا بشو کے یہ ریکارڈ تھا جنہوں نے دو سال قبل پاکستان کے خلاف 49 رنز کے عوض 8 وکٹیں لی تھیں۔
بعدازاں پریس کانفرنس کے دوران یاسر شاہ کا کہنا تھا کہ دبئی ٹیسٹ میں نیوزی لینڈ کے 10 کھلاڑیوں کو آؤٹ کرنے کا پہلے ہی سوچ رکھا تھا۔
دبئی ٹیسٹ: نیوزی لینڈ کی ٹیم 90 رنزبنا کرآؤٹ
یاد رہے کہ گزشتہ روز پاکستان اور نیوزی لینڈ کے درمیان دبئی ٹیسٹ میچ کے تیسرے روز مہمان ٹیم 90 رنز بنا کر آؤٹ ہوگئی تھی۔
