The news is by your side.

Advertisement

مری سانحہ کے ذمہ دار سزا سے نہیں بچ سکیں گے، عثمان بزدار

لاہور : وزیراعلیٰ پنجاب سردار عثمان بزدار نے کہا ہے کہ گزشتہ دنوں مری میں پیش آنے والےافسوسناک واقعے کی تحقیقات کا آغاز ہوچکا ہے، ذمہ دار سزا سے نہیں بچ سکیں گے۔

لاہور میں میڈیا سے گفتگو کرتے ہوئے عثمان بزدار کا کہنا تھا کہ غفلت یا کوتاہی کے ذمہ داروں کے خلاف بلاتفریق کارروائی ہوگی۔

انہوں نے کہا کہ تحقیقاتی رپورٹ کی روشنی میں جو افسر بھی قصور وار نکلا اس کیخلاف سخت ایکشن لیاجائے گا، ذمہ دار کسی صورت سزا سے نہیں بچ سکیں گے۔

وزیراعلیٰ پنجاب نے کا کہنا تھا کہ ایسے واقعات کو روکنے کیلئے شارٹ ٹرم اور لانگ ٹرم پلاننگ کی جارہی ہے، اس ضمن میں ایس او پیز پر بھی نظر ثانی کی جا رہی ہے۔

قبل ازاں وزیراعلیٰ پنجاب عثمان بزدار نے بیان میں کہا ہے کہ مری واقعہ کی انکوائری کیلئے ایڈیشنل چیف سیکرٹری داخلہ کی سربراہی میں کمیٹی تشکیل دی گئی ہے۔

مزید پڑھیں : مری واقعہ میں جاں بحق افراد کے لواحقین اور زخمیوں کیلئے مالی امداد کا اعلان

کمیٹی 7 روز میں اپنی رپورٹ پیش کرے گی، ذمہ داروں کے خلاف ایکشن ہوگا۔ انہوں نے مری میں پیش آنے والے افسوسناک واقعہ، بارشوں اور دیگر واقعات کے باعث عمارتیں گرنے سے جاں بحق افراد کے لواحقین اور زخمیوں کیلئے مالی امداد کا بھی اعلان کیا۔

Comments

یہ بھی پڑھیں