The news is by your side.

Advertisement

چین میں ٹریفک حادثہ، 36 افراد ہلاک

بیجنگ: چین کے صوبے شین زی میں ٹریفک حادثے میں36 افراد ہلاک اور 13 زخمی ہوگئے۔

غیر ملکی خبرایجنسی کے مطابق سیچوان سے ہنان جانے والے مسافر کوچ ٹنل کی دیوار سے ٹکرا گئی۔ حادثے میں 36 افراد ہلاک جبکہ 13 زخمی ہوگئے۔

زخمیوں اور لاشوں کو اسپتال منتقل کردیا گیا جبکہ جائے حادثہ پر امدادی کارروائیاں جاری ہیں۔

چینی سرکاری ٹی وی کے مطابق حکام کا کہنا ہے کہ حادثے کی وجوہات جاننے کے لیے تحقیقات شروع کردی گئی ہیں۔ ان کے مطابق وہ اس پہلو پر بھی غو رکر رہے ہیں جائے وقوع پر کوئی اور گاڑی بھی ہوگی جو حادثے کا سبب بنی۔

حادثے کے بعد ایکسپریس وے کے ایک حصے کو ٹریفک کے لیے بند کردیا گیا ہے۔

چین میں تیز رفتار گاڑیوں اور سڑکوں پر مناسب اسپیڈ بریکرز کی عدم موجودگی کے باعث ٹریفک حادثات عام ہیں۔

عالمی ادارہ صحت ڈبلیو ایچ او کے مطابق سنہ 2013 میں چین میں ڈھائی لاکھ افراد مختلف ٹریفک حادثات میں ہلاک ہوئے۔


Print Friendly, PDF & Email

Comments

comments

یہ بھی پڑھیں