The news is by your side.

Advertisement

آرمی چیف سے برطانوی وزیرخارجہ کی ملاقات ، افغانستان کی صورتحال پر گفتگو

راولپنڈی : آرمی چیف جنرل قمرباجوہ نے برطانوی وزیرخارجہ ڈومینک راب سے ملاقات میں کہا کہ پاکستان افغانستان میں دیرپاامن واستحکام کاخواہاں ہے، افغانستان میں ایک افغان عوام کی نمائندہ حکومت کی مکمل حمایت کرتے ہیں۔

پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ آرمی چیف جنرل قمرباجوہ سےبرطانوی وزیرخارجہ ڈومینک راب کی ملاقات ہوئی ، ملاقات میں باہمی دلچسپی،علاقائی سیکیورٹی،افغانستان صورتحال پرگفتگو کی گئی اور دونوں ممالک میں مختلف شعبوں میں تعاون کےفروغ کےاقدمات بھی زیرغورآئے۔

آئی ایس پی آر کا کہنا تھا کہ ملاقات میں دفاعی وتربیتی سمیت انسداد دہشت گردی امور پر تعاون بڑھانے پر زور دیا جبکہ برطانیہ کی طرف سے کوروناکی روک تھام کیلئے پاکستان کے اقدامات کی تعریف کی۔

آرمی چیف نے کہا کہ پاکستان افغانستان میں دیرپاامن واستحکام کاخواہاں ہے، افغانستان میں ایک افغان عوام کی نمائندہ حکومت کی مکمل حمایت کرتے ہیں۔
.
ملاقات میں دونوں جانب سے خطےمیں امن واستحکام اور کورونا کے کنٹرول کیلئے تعاون کے فروغ کے عزم کا اعادہ کیا گیا۔

Comments

یہ بھی پڑھیں