The news is by your side.

Advertisement

آرمی چیف کی ایرانی صدر حسن روحانی سے ملاقات

تہران: آرمی چیف جنرل قمر جاوید باجوہ کی ایران کے صدر حسن روحانی سے ملاقات ہوئی ہے جس میں باہمی تعلقات سمیت خطےکی صورتحال پربات چیت کی گئی۔

تفصیلات کے مطابق ڈی جی آئی ایس پی آر میجر جنرل آصف غفور نے اپنے ٹوئٹر بیان میں لکھا کہ آرمی چیف جنرل قمر جاوید باوجوہ کی ایرانی صدر حسن روحانی سے ملاقات ہوئی ہے۔

ڈی جی آئی ایس پی آر کے مطابق ملاقات میں باہمی تعلقات سمیت خطےکی صورتحال پربات چیت کی گئی جب کہ ایرانی صدرنے خطےمیں امن واستحکام کیلئے پاکستان کےکردارکی تعریف کی۔

اس موقع پر ایرانی صدرنےدہشت گردی کے خلاف پاک فوج کی کامیابیوں کوبھی سراہا۔

قبل ازیں آرمی چیف جنرل قمرجاوید باجوہ سے ایرانی سپریم نیشنل سیکیورٹی کونسل سربراہ اور ایرانی سپہ سالار میجرجنرل سیدعبدالرحیم موسوی کی ملاقات ہوئی ،ان ملاقاتوں میں باہمی عسکری تعلقات،تعاون پر بات چیت کی گئی۔

یاد رہے گزشتہ روز آرمی چیف جنرل قمرجاوید باجوہ تہران پہنچے تھے ، جہاں انھوں نے ایرانی مسلح افواج کے چیف آف اسٹاف سے ملاقات کی تھی، ملاقات میں علاقائی سیکیورٹی اور خطے میں امن واستحکام کے فروغ پر تبادلہ خیال کیا گیا جبکہ پاک ایران بارڈر سیکیورٹی میکنزم پر بھی بات چیت ہوئی۔

Comments

comments

یہ بھی پڑھیں