اسلام آباد: وزیر اعظم شاہد خاقان عباسی سے آرمی چیف جنرل قمر جاوید باجوہ نے ملاقات کی۔ ملاقات میں پاک فوج کے پیشہ وارانہ امور پر تبادلہ خیال کیا گیا۔
تفصیلات کے مطابق وزیر اعظم ہاؤس میں وزیر اعظم شاہد خاقان عباسی سے آرمی چیف جنرل قمر جاوید باجوہ نے ملاقات کی۔
ملاقات میں وزیر اعظم نے دہشت گردی کے خلاف جنگ میں مسلح افواج کے کردار کی تعریف کی۔
وزیر اعظم کا کہنا تھا کہ آپریشن رد الفساد اور خیبر 4 میں مسلح افواج کا کردار قابل تحسین ہے۔
- Advertisement -
انہوں نے مادر وطن سے دہشت گردی کے خاتمے کے لیے سیکیورٹی فورسز کی قربانیوں کو سراہتے ہوئے کہا کہ سیکیورٹی فورسز کی قربانیاں پوری قوم کے لیے قابل فخر ہیں۔
یاد رہے کہ گزشتہ روز راولپنڈی میں کور کمانڈرز کانفرنس کی صدارت کرتے ہوئے آرمی چیف کا کہنا تھا کہ مسلح افواج قومی اداروں کے ساتھ مل کر آئین کی بالادستی اور قانون کی حکمرانی کے لیے کام کرتی رہیں گی۔
