The news is by your side.

Advertisement

ننکانہ صاحب میں‌ کشتی ڈوبنے کا واقعہ، درجنوں‌افراد لاپتا،فوج پہنچ گئی

راولپنڈی: ننکانہ صاحب میں 100 سے زائد افراد سے بھری کشتی الٹ گئی،40 افراد کو بچالیا گیا بقیہ تاحال لاپتا ہیں، آرمی چیف کے حکم پر امداد کے لیے پاک فوج پاک فوج کی خصوصی دستے پہنچ گئے۔

آئی ایس پی آر سے جاری اعلامیے کے مطابق آرمی چیف جنرل قمر باجوہ نے ننکانہ صاحب میں ہونے والے کشتی حادثے کے حوالے سے سرچ آپریشن کی خصوصی ہدایات جاری کیں۔ آرمی چیف کی ہدایت کے بعد پاک فوج کے غوطہ خوروں کی خصوصی ٹیم جائے وقوعہ پر ریسکیو کے لیے پہنچ اور لوگوں کی تلاش کا کام شروع کردیا۔

یاد رہے کہ آج دوپہر ننکانہ صاحب سے اوکاڑہ جاتے ہوئے دریائے راوی میں کشتی الٹ گئی تھی، جس میں 100 سے زائد افراد سوار تھے جن میں سے 40 سے زائد افراد کو بچا لیا گیا ہے تاہم بقیہ افراد تاحال لاپتا ہیں۔

مقامی حکومتی نمائندے کے مطابق کشتی سمندر میں پڑے خالی کنٹینر سے ٹکرائی جس کے باعث حادثہ پیش آیا۔

پڑھیں: ’’ دریائے راوی میں کشتی الٹ گئی، درجنوں افراد لاپتہ ‘‘

حادثے کی اطلاع ملتے ہی ریسکیو ٹیمیں جائے وقوعہ پر روانہ کردی گئی تھیں تاہم ٹیمیوں کو ریسکیو کے دوران شدید مشکلات کا سامنا کرنا پڑ رہا تھا۔

Print Friendly, PDF & Email

Comments

comments

یہ بھی پڑھیں