راولپنڈی: آرمی چیف آف پاکستان نے کہا ہے کہ پاکستان ہونہار اور لائق نوجوانوں کی دولت سے مالا مال ہے، تمام طلبہ انفارمیشن ٹیکنالوجی سمیت دیگر شعبوں میں صلاحیتوں کو بہتر بنائیں۔
پاک فوج کے شعبہ تعلقات عامہ (آئی ایس پی آر) سے جاری بیان کے مطابق مختلف اسکولوں کےطلبہ کےوفد نے گورنمنٹ ہیڈ کوارٹر (جی ایچ کیو) راولپنڈی کادورہ کیا اور آرمی چیف سے ملاقات کی۔
آئی ایس پی آر کے مطابق زندگی ٹرسٹ کے زیر انتظام جی ایچ کیو آنے والے طلبہ کےوفد نےآرمی چیف جنرل قمرجاویدباجوہ سےملاقات کی۔
ترجمان پاک فوج کا کہنا ہے کہ آرمی چیف نےخیرسگالی کےتحت طالبہ کیساتھ شطرنج بھی کھیلی اور نوجوانوں کو آئی ٹی سمیت دیگر شعبوں میں صلاحتیں بہتر بنانے کی تاکید بھی کی۔
اس موقع پر طلبہ سے گفتگو کرتے ہوئے آرمی چیف کا کہنا تھا کہ پاکستان ہونہاراورلائق نوجوانوں کی دولت سےمالامال ہے۔
یاد رہے کہ معروف گلوکار شہزاد رائے غیر سرکاری تنظیم زندگی ٹرسٹ کے بانی ہیں یہ این جی او ملک بھر میں بچوں کی تعلیم اور سرکاری اسکولوں کی بہتر حالت کے لیے اپنے پاس سے اقدامات کرتی ہے۔
مزید پڑھیں: نوجوان ہمارا اثاثہ ہیں، معیارتعلیم میں بہتری کے لئے بھرپوراقدامات کریں گے: آرمی چیف
آئی ایس پی آر نے اس ابت کو بھی تسلیم کیا کہ ٹرسٹ کی معاونت سے تعلیم حاصل کرنے والے بچوں نے کھیل کے میدانوں میں بھی اپنی صلاحیتوں کا لواہا منوایا۔
