اسلام آباد: آرمی چیف جنرل قمر جاوید باجوہ نے صدر مملکت ممنون حسین اور وزیر اعظم نواز شریف سے ملاقات کی۔ ملاقات میں قومی سلامتی کے معاملات اور پیشہ ورانہ امور پر تبادلہ خیال کیا گیا۔
جنرل قمر جاوید باجوہ کی بطور آرمی چیف وزیر اعظم اور صدر مملکت سے یہ پہلی باضابطہ ملاقات ہے۔ وزیر اعظم ہاؤس میں ہونے والی اس ملاقات میں وزیر اعظم نواز شریف اور آرمی چیف کے درمیان قومی سلامتی کے معاملات اور پیشہ ورانہ امور پر گفتگو کی گئی۔
ملاقات میں ملک کی صورتحال اور علاقائی سیکیورٹی پر بھی گفت و شنید کی گئی۔
ملاقات میں خاص طور پر لائن آف کنٹرول، ویسٹرن بارڈر اور آپریشن ضرب عضب زیر بحث آئے۔ آرمی چیف نے وزیر اعظم کو لائن آف کنٹرول پر بھارتی جارحیت سے آگاہ کیا جبکہ آپریشن ضرب عضب پر تفصیلی بریفنگ دی۔
بعد ازاں آرمی چیف نے صدر مملکت سے بھی ملاقات کی جس میں قومی سلامتی معاملات اور پیشہ ورانہ امور پر تبادلہ خیال کیا گیا۔