اسلام آباد : پاکستان کی مسلح افواج کے ترجمان میجر جنرل آصف غفور کا کہنا ہے کہ چیف آف آرمی اسٹاف قمر جاوید باجوہ سمیت تمام مسلح افواج بیگم کلثوم نواز کے لیے دعا کررہی ہے۔
تفصیلات کے مطابق پاکستان کی مسلھ افواج کے ترجمان میجر جنرل آصف غفور نے سماجی رابطے کی ویب سائٹ ٹویٹر پر اپنے پیغام میں کہا کہ خدا بیگم کلثوم نواز کو صحت کاملہ عطا کرے۔
جنرل قمر جاوید باجوہ نے اپنے پیغام میں سابق وزیر اعظم میاں نواز شریف اور ان کی فیملی سے والدہ کی بیماری پر نیک خواہشات کا اظہار کیا ہے۔
دوسری جانب پاکستان مسلم لیگ ق کے سربراہ چوہدری شجاعت حسین نے بھی بیگم کلثوم نواز کی جلد صحت یابی کے لیے دعا کی ہے۔
چوہدری پرویز الہی کا کہنا ہے کہ نواز شریف کی اہلیہ بیگم کلثوم نواز نہایت ہی سمجھدار اور باوقار خاتون ہیں، ہماری دعا ہے کہ وہ جلد صحت یاب ہوں۔
سابق وزیراعظم نوازشریف کی اہلیہ بیگم کلثوم نواز کی طبعیت خراب ہونے پر گزشتہ روز انہیں دوبارہ اسپتال منتقل کردیا گیا، شریف خاندان نے ان کی صحت یابی کے لیے دعاؤں کی اپیل کردی۔
مریم نواز نے سماجی رابطے کی ویب سائٹ ٹویٹرپراپنے پیغام میں بتایا کہ ان کی والدہ کو اس وقت اچانک دل کا دورہ پڑا، جب وہ لندن جانے والی پرواز میں تھے۔
سابق وزیراعظم نوازشریف کی صاحبزادی نے مزید کہا کہ ان کی والدہ آب آئی سی یو میں وینٹی لیٹرپرہیں، ساتھ ہی انہوں نے قوم سے دعاؤں کی بھی اپیل کی۔
واضح رہے کہ کینسر کے عارضے میں مبتلا بیگم کلثوم نواز پچھلے کئی ماہ سے علاج کی غرض سے لندن میں موجود ہیں جہاں ان کی کئی کیموتھراپیز کی جاچکی ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
