راولپنڈی: آرمی چیف آف اسٹاف جنرل قمر جاوید باجوہ نے لائن آف کنٹرول پر کیل اور شاردہ سیکٹر کا دورہ کیا اور جوانوں سے خطاب کرتے ہوئے کہا کہ پاک فوج لائن آف کنٹرول پرعوام کی حفاظت کو ہرصورت یقینی بنائےگی، کشمیری عوام بھارتی مظالم اور ایجنڈے سے بخوبی آگاہ ہیں۔
ترجمان پاک فوج کے مطابق آرمی چیف کاایل اوسی پرکیل اورشاردہ سیکٹرکادورہ کیا، اس موقع پر سپہ سالار کو ایل او سی پر بھارت کی جانب سے سیز فائر کی خلاف ورزی پر میجرجنرل اظہر عباس نے بریفنگ دی۔
آرمی چیف کو بریفنگ میں بتایا گیا کہ ایل او سی پر شرپسندوں کی موجودگی کا پرپیگنڈا بھارتی کی جانب سے بے بنیاد ہے، سرحد پر شرپسندوں کی موجودگی کے پروپیگنڈے کا مقصد افرا تفری پھیلانا ہے۔
ویڈیو
جنرل قمر باجوہ نے پاک فوج کی آپریشنل تیاریوں پر اطمینان کا اظہار کیا اور اگلے مورچوں پر تعینات جوانوں کی حوصلہ افزائی بھی کی، انہوں نے کہا کہ بھارت کشمیریوں پر کیے جانے والے مظالم کو چھپانے کے لیے لائن آف کنٹرول پر جھوٹے پروپیگنڈے کررہا ہے جس سے بخوبی آگاہ ہیں۔
