The news is by your side.

لال بیگ اب انسانوں کے مددگار بن جائیں گے، لیکن کیسے ؟

ٹوکیو : ہمارے گھروں میں کثرت سے پایا جانے والا کیڑا لال بیگ جسے دیکھ کر کراہیت کا آنا عام سی بات ہے تاہم دنیا میں پائے جانے والے حشرات الارض میں لال بیگ کو ایک خاص اہمیت بھی حاصل ہے۔

کچھ حشرات الارض کے بارے میں کہا جاتا ہے کہ وہ دنیا میں سب سے زیادہ صحت بخش اور غذائیت سے بھرپور خوراک ہیں، ان میں سے ایک لال بیگ بھی ہے۔

اس کے علاوہ سائنسدانوں نے لال بیگ کی ایک اور افادیت کے بارے میں بتا کر دنیا کو حیران اور شش و پنج میں مبتلا کردیا ہے۔

اب سائنس دانوں کے لیے نیا چیلنج اس ڈیوائس کو مزید چھوٹا بنانا ہے(تصاویر بشکریہ رائٹرز)

غیرملکی خبر رساں ادارے کی رپورٹ کے مطابق جاپان کے سائنسدانوں نے ان لال بیگوں کو استعمال کرکے ان کے ذریعے انسانی جانیں بچانے کا حیرت انگیز طریقہ ڈھونڈ نکالا ہے۔

رپورٹ میں بتایا گیا ہے کہ سائنس دانوں نے ایک ایسی ڈیوائس تیار کی ہے جو لال بیگ کی کمر پر نصب کی جاسکتی ہے۔ اس ڈیوائس کے ذریعے لال بیگ ریسکیو مشنز میں استعمال ہوسکیں گے۔

Madagascar hissing cockroach mounted with a "backpack" of electronics pictured in Wako

مثلا اگر کسی زلزلے یا کسی اور قدرتی آفت کے بعد لوگ منوں ملبے تلے دبے ہوں تو وہاں ایسے سیکڑوں لال بیگوں کو چھوڑا جاسکتا ہے جو یہ ڈیوائس لے کر چھوٹے سے سوراخ سے بھی ملبے میں گھس جائیں گے اور اندر پھنسے لوگوں کی نشان دہی کرسکیں گے۔

Madagascar hissing cockroach mounted with a "backpack" of electronics pictured in Wako

صرف یہی نہیں بلکہ ان لال بیگوں کو ڈیوائس اور ریموٹ کے ذریعے دائیں یا بائیں مڑنے کی ہدایات بھی دی جا سکتی ہیں۔

یہ ڈیوائس کیسے کام کرے گی؟

سائنسدانوں نے توانائی کی ضرورت پوری کرنے کے لیے لال بیگ کے جسم پر ایسی سولر فلم چپکائی ہے جو انسانی بال سے بھی تین گنا باریک ہے، جاپانی سائنسدانوں کا کہنا ہے کہ اسے اتنا باریک اس لیے بنایا گیا ہے تاکہ لال بیگ بغیر کسی وزن کو محسوس کیے باآسانی حرکت کرسکے۔

Madagascar hissing cockroach mounted with a "backpack" of electronics pictured in Wako

اب سائنس دانوں کے لیے نیا چیلنج اس ڈیوائس کو مزید چھوٹا بنانا ہے تاکہ لال بیگوں کو کم سے کم بوجھ اُٹھانا پڑے اور اس میں کیمرہ اور سینسرز بھی نصب کیے جاسکیں تاکہ ریسکیو میں مزید آسانیاں ممکن ہوں۔

Comments

یہ بھی پڑھیں