ہانگ کانگ کی مشہور پاپ گلوکارہ اور ڈزنی اسٹار کوکولی خودکشی کی کوشش کے باعث تین دن کومہ میں رہنے کے بعد زندگی کی بازی ہار گئیں۔
گلوکارہ کوکولی کی بہن نے سوشل میڈیا پر گلوکارہ کی موت کی تصدیق کی، ان کی بہن نینسی کا کہنا تھا کہ کوکولی پچھلے کچھ سالوں سے ڈپریشن کا شکار تھیں جس کی وجہ سے انہوں نے خودکشی کی کوشش کی تاہم وہ اس میں کامیاب نہ ہوئیں۔
خودکشی کی کوشش کرنے کے بعد گلوکارہ کی حالت غیر ہوگئی تھی انہیں فوری طور پر اسپتال منتقل کیا گیا جہاں وہ تین دن کومہ میں رہنے کے بعد چل بسیں۔
کوکولی نے ہائی اسکول کے زمانے میں گلوکاری کے ایک مقابلے میں پہلا انعام جیتا تھا جس کے بعد اس کے میوزک کیرئیر کا آغاز ہوا۔
گلوکارہ کی بہنوں کے مطابق اس سال کوکولی کو میوزک انڈسٹری میں 30 برس مکمل ہوئے تھے اپنے کیرئیر میں کوکولی نے کئی ہٹ میوزک البم اور شاندار لائیو پرفارمنس دیں۔
کوکولی کے مداحوں کی جانب سے ان کی موت کی خبر پر افسوس اور رنج و غم کا اظہار کیا جارہا ہے۔ کوکولی ہانگ کانگ سے تعلق رکھنے والی پہلی گلوکارہ تھی جس نے آسکر ایوارڈز میں پرفارم کیا تھا۔
