تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کافی کا استعمال عمر بڑھا دیتا ہے، تحقیق

لندن: برطانوی ماہرین نے شوقین افراد کو بڑی خوش خبری سناتے ہوئے کہا ہے کہ روزانہ 8 کپ کافی پینے والے افراد لمبی عمر جیتے ہیں۔

تفصیلات کے مطابق برطانیہ میں کافی کے استعمال اور فوائد سے متعلق تحقیق ہوئی جس میں اس مشروب کے نتائج اور اثرات پر تفصیلی غور و خوص کیا گیا۔

تحقیقاتی ماہرین نے ایک رپورٹ جاری کی جس کے مطابق برطانیہ کے شہریوں کو تحقیق میں شامل کیا گیا اور مطالعاتی تحقیق میں یہ بات سامنے آئی کہ جو لوگ کافی استعمال کرتے ہیں اُن کی زندگی 10 برس بڑھ جاتی ہے۔

مزید پڑھیں: سیاہ کافی کے حیرت انگیز فوائد

رپورٹ کے مطابق  پانچ لاکھ سے زائد برطانوی نوجوانوں کو تحقیق میں شامل کیا گیا جن میں کافی استعمال نہ کرنے والے لوگ بھی تھے، حیران کُن طور پر جو لوگ یہ مشروب استعمال نہیں کررہے اُن کی عمر اوسطاً کم رہی اور اُن پر بڑھاپے کے اثرات جلد نمودار ہوئے۔

تحقیقاتی ماہرین کا ماننا ہے کہ کافی پینے سے انسانی جسم اور صحت میں مثبت تبدیلیاں پیدا ہوتی ہیں جو مختلف بیماریوں بالخصوص امرض قلب وغیرہ سے محفوظ رکھتی ہے جبکہ حاملہ خواتین کے لیے کافی پینا سود مند ہے۔

تحقیق کے دوران کافی استعمال کرنے اور نہ کرنے والے نوجوانوں کے خون کے نمونے لیے گئے جن کا لیبارٹری سے ٹیسٹ کروایا گیا جبکہ اُن سے تمباکو نوشی اور دیگر مشروبات استعمال کرنے کے ساتھ میڈیکل ہسٹر بھی جمع کی گئی۔

یہ بھی پڑھیں: کافی کے شوقین افراد کیلئے ’سیلفیسینو‘ متعارف

امریکی جریدے میں شائع ہونے والی رپورٹ میں کہا گیا ہے کہ تحقیق میں شامل 14 ہزار 200 کے قریب ایسے افراد سامنے آئے جو کافی نہیں پیتے تھے اور اچانک اُن کی موت ہوگئی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

- Advertisement -