The news is by your side.

Advertisement

نظر کا وہم : یہ سکہ آپ کی آنکھوں کے سامنے سے غائب ہوجائے گا

آج ہم اپنے صارفین کے لئے ایک ایسی دلچسپ تصویر لائے ہیں جسے دیکھ کر آپ حیرت زدہ رہ جائیں گے، یہ تصویر آپ کو ایسی  کیفیت میں لے جائے گی کہ جہاں آپ کو اپنی آنکھوں پر یقین نہیں آئے گا۔

تصاویر اکثر ہماری شخصیات کے بارے میں بہت کچھ کہہ جاتی ہیں، تصویر کو دیکھ کر آپ جو کچھ سوچتے ہیں یہی آپ کی شخصیت کا آئینہ ہوتا ہے، اس خبر میں آپ کو اسی حوالے سے بتائیں گے۔

آپ کو اس تصویر میں ایک سکہ دکھائی دے رہا ہے جسے ہم باآسانی دیکھ سکتے ہیں اس تصویر کا دلچسپ پہلو یہ ہے کہ یہ آپ کی آنکھوں کے سامنے سے غائب ہوجائے گی۔

آپ کو اس تصویر میں کیا دکھائی دے رہا ہے؟

آپ شاید جادو پر یقین نہیں کرتے ہوں گے لیکن اس نظری وہم کو دیکھنے کے بعد آپ کو اپنی آنکھوں پر یقین نہیں آئے گا۔

جی ہاں !! یہ نظر کا وہم ہے کہ اگر آپ اس تصویر کے بیچ میں بنے کراس کے نشان کو غور سے اور مسلسل 30سیکنڈ تک دیکھیں گے تو یہ سکہ آپ کی نظروں سے اوجھل ہوجائے گا۔

اس نظری وہم کی اصل کہانی کیا ہے؟

اس نظری وہم کا ڈیزائن ٹروکسلر ایفیکٹ سے متاثر ہے جسے ٹروکسلر فیڈنگ بھی کہا جاتا ہے۔

ٹروکسلر فیڈنگ کو سوئس ڈاکٹر پال ٹروکسلر نے1804 میں دریافت کیا تھا، اپنی تحقیق میں اس نے بتایا کہ ہمارا دماغ ایک خاص وقت پر آکر بصری مناظر پر توجہ دینا چھوڑ دیتا ہے۔

جب آپ اس کراس نما نشان کو بہت غور سے اور مسلسل دیکھتے ہیں تو سکے کے رنگ آپ کے نقطہ نظر سے مٹ جاتے ہیں اور بنیادی طور پر ہمارے اس تصور کو بدل دیتے ہیں کہ وہاں کیا ہے۔

اب بتایئے کہ کیا آپ کی نظر کے سامنے سے سکہ بالکل غائب ہوگیا؟ اگر ہوگیا تو نیچے کمنٹس میں اپنی رائے کا اظہار ضرور کیجیئے۔

Comments

یہ بھی پڑھیں