The news is by your side.

Advertisement

کراچی میں ٹھنڈی ہواؤں سے سردی کی شدت میں اضافہ

کراچی: شہر قائد میں ٹھنڈی ہواؤں نے موسم سرد کردیا ، علی الصبح درجہ حرارت11ڈگری سینٹی گریڈریکارڈ کیا گیا جبکہ آئندہ 24 گھنٹے مطلع جزوی ابر آلود رہنے کا امکان ہے۔

تفصیلات کے مطابق ملک بھر میں سردی کا راج ہے ، کراچی میں ٹھنڈی ہوا چلنے سے درجہ حرارت میں کمی واقع ہوئی اور سردی کی شدت میں اضافہ ہوگیا ، آج صبح شہر کا درجہ حرارت11ڈگری سینٹی گریڈریکارڈ کیا گیا۔

محکمہ موسمیات کا کہنا ہے کہ آئندہ 24 گھنٹوں میں مطلع جزوی ابرآلود رہے گا ، موجودہ درجہ حرارت 17 ڈگری سینٹی گریڈ ہے جبکہ ہوا میں نمی کا تناسب 33 فیصد اور حد نگاہ 5 کلومیٹرہے۔

محکمہ موسمیات کے مطابق آج زیادہ سے زیادہ درجہ حرارت 28ڈگری رہنےکاامکان ہے جبکہ آنے والے دنوں میں سردی کی شدت میں مزید اضافہ ہوگا۔

دوسری جانب لاہور سمیت پنجاب کے بیشتر میدانی علاقوں میں آج موسم سرد اور خشک رہے گا جبکہ صبح اور رات کے اوقات میں ہلکی دھند پڑنے کا امکان ہے۔

محکمہ موسمیات کا کہنا ہے کہ ملک کے بیشترعلاقوں میں آج بھی موسم خشک جبکہ شمالی علاقے شدید سردی کی لپیٹ میں رہیں گے جبکہ آئندہ چوبیس گھنٹوں میں اسلام آباد، پشاور سمیت ملک کے بیشترعلاقوں میں موسم خشک رہنے کی پیشگوئی کی ہے۔

شمالی علاقوں میں موسم شدید سرد ہے، استور میں درجہ حرارت منفی آٹھ، کالام منفی سات، گوپس منفی پانچ ، بگروٹ، اسکردو منفی چار، ہنزہ ، گلگت منفی تین ، دیر اور پارا چنار میں منفی دوڈگری سینٹی گریڈ ریکارڈ کیا گیا جبکہ قلات میں درجہ حرارت منفی تین اورکوئٹہ میں منفی دوتک پہنچ گیا۔

Comments

یہ بھی پڑھیں