کرک: تحصیل بانڈہ کے علاقے میں طوطکی موڑ پر مسافر کوچ اور کار کے درمیان خوفناک تصادم ہوا ہے، جس کے نتیجے میں 5 افراد شدید زخمی ہوگئے۔
اے آر وائی نیوز کے مطابق کرک میں ریسکیو حکام کا اس حوالے سے کہنا ہے کہ مسافرکوچ پشاور سے بنوں جبکہ کار بنوں سے پشاور جارہی تھی، زخمیوں کو اسپتال منتقل کردیا گیا ہے، جن میں بیشتر کی حالت نازک بتائی جارہی ہے۔
اس سے قبل بھی جامشورو نوری آباد کے قریب مسافر بس اور ٹرالر میں خوفناک تصادم کے نتیجے میں 1 شخص جاں بحق جبکہ متعدد زخمی ہوگئے تھے۔
جامشورو ایم نائن موٹروے پر نوری آباد کے قریب کوچ اور ٹریلر میں ٹکر ہوگئی تھی، ٹریفک حادثے میں کوچ میں سوار ایک شخص جاں بحق ہوگیا تھا۔
ریسکیو حکام کا کہنا تھا کہ حادثے میں 12 افراد زخمی ہوئے جس میں خواتین اور بچے بھی شامل ہیں، حادثہ تیز رفتار کے باعث پیش آیا، کوچ پشاور سے کراچی جارہی تھی۔
کراچی : ایک اور بچہ کھلے مین ہول میں گر کر جاں بحق ہوگیا
حادثے میں جاں بحق 60 سالہ مشتاق حسین کا تعلق پشاور سے ہے، حادثے کے بعد مسافر کوچ اور ٹریلر کو پولیس نے تحویل میں لے لیا گیا جبکہ دونوں ڈرائیور فرار ہوگئے۔
